స్పెయిన్ మాడ్రిడ్ నగరంలోని 'మ్యూసెయో నాసోనల్ డెల్ ప్రాడో' 200వ వార్షికోత్సవం సందర్భంగా అద్భుత చిత్రపటాల ప్రదర్శన ఏర్పాటు చేశారు. ఇందులో ప్రముఖ చిత్రకారుడు, శిల్పి అల్బర్టో జెకొమెటీ కుంచె నుంచి జాలువారిన అద్భుత చిత్రపటాల ప్రదర్శన సందర్శకులను విపరీతంగా ఆకట్టుకుంటోంది.
జెకొమెటీ వినూత్న రీతిలో మలిచిన ఈ చిత్రపటాలు, శిల్పాలు కళాప్రియుల మదిని దోచుకుంటున్నాయి. 16, 17 శతాబ్దాలనాటి అపురూప కళాఖండాల సరసన జెకొమెటీ చిత్రపటాలు, శిల్పాలను ప్రదర్శనకు ఉంచడం విశేషం.
డ్యూరో, రాఫెల్, టిన్టోరేటో, ఎల్గ్రీకో, గోయా లాంటి చిత్రకారులను స్ఫూర్తిగా తీసుకున్న జెకొమెటీ, తనదైన శైలిలో చిత్రపటాలను, శిల్పాలను రూపొందించారు.
జెకొమెటీ చిత్రపటాలు 'లాస్ మినినాస్', 'ది వాషింగ్ ఆఫ్ ది ఫీట్' కళాప్రియులను విపరీతంగా ఆకర్షిస్తున్నాయి. 1960 నాటి 'వాకింగ్ మ్యాన్-2', 'టాల్ ఉమన్ -3', 'టాల్ ఉమన్-4', 'లార్జ్ హెడ్' చిత్రపటాలు విశేషంగా ఆకట్టుకుంటున్నాయి.
