రష్యా తయారు చేసిన టీకా అత్యంత సమర్థంగా, సురక్షితంగా పనిచేస్తోందంటూ ఆ దేశ అధ్యక్షుడు వ్లాదిమిర్ పుతిన్ కితాబిచ్చుకున్నారు. రష్యా 24 టీవీ ఛానెల్ ఇంటర్వ్యూలో పాల్గొన్న ఆయన.. ప్రభుత్వ అనుమతి పొందిన తొలి వ్యాక్సిన్ అయిన 'స్పుత్నిక్-వి'కు అంతర్జాతీయ నిబంధనలకు అనుగుణంగా ఉన్న రష్యా చట్టాలకు లోబడే అనుమతులు ఇచ్చినట్లు తెలిపారు.
"ఈ టీకా శాశ్వత రోగనిరోధక శక్తిని ఏర్పరుస్తుందని మన నిపుణులకు పూర్తి స్పష్టంగా తెలుస్తుంది. ఇది వాడేందుకు సురక్షితం."
-వ్లాదిమిర్ పుతిన్, రష్యా అధ్యక్షుడు
తన కూతుళ్లకు కూడా ఈ టీకాను ఇచ్చినట్లు పుతిన్ గతంలోనే ప్రకటించారు. వారి శరీరంలో యాంటీబాడీలు వృద్ధి చెందినట్లు చెప్పారు. వారు ఆరోగ్యంగా ఉన్నారని పేర్కొన్నారు. అయితే వీటికి కావాల్సిన శాస్త్రీయ ఆధారాలు మాత్రం చూపించలేదు.
