చైనాలోని ఉత్తర ప్రావిన్సులో.. మరోసారి లాక్డౌన్ విధించింది ఆ దేశం. కరోనా కేసుల సంఖ్య పెరుగుదలతో పాటు 2022లో జరగనున్న శీతకాల ఒలింపిక్స్కు ఆతిథ్యం ఇవ్వనున్న విషయాలను కారణాలుగా తెలిపింది. దగ్గర్లో ఉన్న లియోనింగ్ ప్రావిన్సులోని షెన్యాంగ్, దాలియన్ పట్టణాల్లోనూ ఆంక్షలు కొనసాగనున్నాయి.
కఠిన ఆంక్షలు..
హుబే రాజధాని షిజియాజువాంగ్లో సుమారు కోటి మంది జనాభా నివసిస్తున్నారు. ప్రస్తుతం ఇక్కడ.. అన్నిరకాల రవాణాను నిలిపివేశారు. పట్టణాలు, గ్రామాల్లో ఆంక్షలు కఠినతరం చేశారు. పాఠశాలలను రద్దు చేశారు. గత ఆదివారం నుంచి ఇక్కడ కొత్తగా 51 కొవిడ్ కేసులు వచ్చాయని చైనా జాతీయ ఆరోగ్య కమిషన్ వెల్లడించింది. దీంతో మొత్తం కేసుల సంఖ్య 90కి చేరిందని తెలిపింది. వీటిలోనూ అత్యధికంగా షిజియాజువాంగ్, గ్జింగ్టాయ్ ప్రాంతాల నుంచే కేసులు వచ్చాయని పేర్కొంది.
టెడ్రోస్ అసంతృప్తి..
కరోనా వైరస్ మొదటి సారి ఎక్కడ బయటపడిందనే ఆధారాల కోసం డబ్ల్యూహెచ్ఓ ప్రతినిధులు చైనాలో పర్యటిస్తున్నారు. సెంట్రల్ వూహాన్కు వారిని అనుమతించకపోవడం పట్ల డబ్ల్యూహెచ్ఓ డైరెక్టర్ జనరల్ టెడ్రోస్ అసంతృప్తి వ్యక్తం చేశారు.
అందుకు భిన్నంగా, చైనా విదేశాంగ అధికార ప్రతినిధి హువా చునైంగ్.. వైరస్ పుట్టుక గురించి ప్రతినిధులు తీరిక లేకుండా శ్రమిస్తున్నారని తెలిపారు. 'చైనాలో నిపుణుల బృందం పర్యటన విజయవంతమైంది. తదుపరి చర్చలు జరపాల్సి ఉంది' అని ఆయన పేర్కొన్నారు.
ఇదీ చదవండి: రాష్ట్రాల ఆరోగ్య మంత్రులతో హర్షవర్ధన్ భేటీ
