అఫ్గానిస్థాన్లో శాంతి స్థాపనకు మరో ముందడుగు పడినట్టు కనిపిస్తోంది. అఫ్గాన్ నేతలతో చర్చలు జరపడానికి సిద్ధంగా ఉన్నట్టు తాలిబన్లు ప్రకటించడమే ఇందుకు కారణం. అయితే దీని కోసం ఇంకా తేదీని నిర్ణయించలేదు.
సంప్రదింపులు జరపడం కోసం తమ సభ్యుల నుంచి ప్రతిపాదనలను స్వీకరిస్తోంది తాలిబన్ నేతృత్వంలోని మండలి. పేరు చెప్పడం ఇష్టం లేని ఓ తాలిబన్ అధికారి ఈ విషయాన్ని వెల్లడించారు.
ఖైదీల అప్పగింత...
ఖైదీల అప్పగింత అంశం ఈ చర్చలపై కీలక ప్రభావం చూపనుంది. సోమవారం నాటికి 2,710మంది తాలిబన్ ఖైదీలను విడుదల చేసినట్టు ప్రభుత్వం ప్రకటించింది. అందుకు బదులుగా.. 531మంది అఫ్ఘాన్ మిలిటరీ, పౌర సిబ్బందిని విడుదల చేసింది తాలిబన్.
అఫ్గానిస్థాన్లో శాంతి స్థాపనకు ఫిబ్రవరి 29న అమెరికా-తాలిబన్ల మధ్య చారిత్రక ఒప్పందం కుదిరింది. ఇందులో భాగంగానే 5,000 మంది తాలిబన్లు, 1,000 మంది ప్రభుత్వ, మిలిటరీ అధికారులను విడుదల చేయడానికి పరస్పరం అంగీకరించుకున్నాయి.
ఇదీ చూడండి:- 'తాలిబన్లకు కశ్మీర్పై ఎలాంటి ఆసక్తి లేదు'
