Teachers for Took Holiday to Children : పిల్లలకు విద్యాబుద్ధులు, పాఠాలు చెప్పాల్సిన ఉపాధ్యాయులే.. పిల్లలను ఇంటికి వెళ్లిపోమని చెప్పి దావత్లు చేసుకోవడం అందరినీ విస్మయానికి గురి చేస్తోంది. హైదరాబాద్ జిల్లాలోని షేక్పేట్ మండల పరిధిలోని ఈ ఘటన జరిగింది. దీనిపై కలెక్టర్ తీవ్ర ఆగ్రహం వ్యక్తం చేశారు. విచారణ చేపట్టి బాధ్యులైన డీఐఓఎస్ యాదగిరిని సస్పెండ్ చేయడంతో పాటు ఉపాధ్యాయులకు నోటీసులు జారీ చేశారు. దీంతో ఈ విషయం మంగళవారం వెలుగులోకి వచ్చింది.
అధికారులు తెలిపిన వివరాల ప్రకారం, హైదరాబాద్ జిల్లాలోని షేక్ పేట్ మండల పరిధిలోని 20 ప్రభుత్వ పాఠశాలలు ఉన్నాయి. ఇక్కడ ఈ నెల 13న ఆ పాఠశాలల్లో విధులు నిర్తిస్తున్న 80 మంది సెకెండ్ గ్రేడ్ టీచర్లు, ప్రధానోపాధ్యాయులతో పాటు డిప్యూటీ ఇన్స్పెక్టర్ ఆఫ్ స్కూల్స్(డీఐఓఎస్) యాదగిరి కలిసి దావత్ చేసుకోవాలని అనుకున్నారు. అందుకు అనువైన ప్రదేశంగా బంజారాహిల్స్లోని ప్రభుత్వ పాఠశాలను ఎంచుకున్నారు. ఈ క్రమంలో ఆ 20 ప్రభుత్వ పాఠశాలల్లో మధ్యాహ్నం భోజనం చేసిన అనంతరం విద్యార్థులను ఇళ్లకు పంపించేశారు.
అనంతరం ఉపాధ్యాయులు బడులకు తాళాలు వేసి బంజారాహిల్స్లోని పాఠశాలకు చేరుకున్నారు. అనంతరం అక్కడ ఏర్పాటు చేసిన దావత్లో పాల్గొని విందు భోజనం చేశారు. మధ్యాహ్నమే పిల్లలంతా ఇళ్లకు రావడంతో విద్యార్థుల తల్లిదండ్రులకు అనుమానం వచ్చింది. ఏం జరిగిందని పిల్లలను పేరెంట్స్ ఆరా తీయగా అసలు విషయం తెలిసింది. దీంతో ఈ విషయంపై కలెక్టర్ దృష్టికి కొంత మంది తల్లిదండ్రులు తీసుకెళ్లారు. ఈ విషయంపై హైదరాబాద్ కలెక్టర్ అనుదీప్ దురిశెట్టి తీవ్రంగా పరిగణించారు. ఇక డీఐఓఎస్ను సస్పెండ్ చేయడంతో పాటు మిగిలిన ఉపాధ్యాయులకు తాఖీదులు జారీ చేశారు. ఇప్పుడు ఈ విషయం రాష్ట్రవ్యాప్తంగా చర్చనీయాంశంగా మారింది.
Mana ooru Mana Badi program : భలే మంచి మాస్టార్.. 'బడిబాట'ను ఎంత బాగా ప్రచారం చేస్తున్నారో..!
స్కూల్ యూనిఫామ్లో టీచర్.. పిల్లల్లో కలిసిపోయి, ఆటపాటలతో పాఠాలు
