జమ్ముకశ్మీర్కు ప్రత్యేక ప్రతిపత్తి రద్దు నేపథ్యంలో భారత్తో ద్వైపాక్షిక బంధాన్ని తెంచే దిశలో చర్యలు ముమ్మరం చేసింది పాకిస్థాన్. ఇప్పటికే రెండు సరిహద్దు రైళ్లను నిలిపివేసిన పాక్... తాజాగా దిల్లీ-లాహోర్ ఫ్రెండ్షిప్ బస్సు సర్వీసును రద్దు చేస్తూ నిర్ణయం తీసుకుంది. సోమవారం నుంచి ఈ బస్సు సర్వీసు పూర్తిగా నిలిచిపోనుంది.
"జాతీయ భద్రతాకమిటీ (ఎన్ఎస్సీ) నిర్ణయం ప్రకారం భారత్-పాక్ మధ్య నడిచే బస్సు సర్వీసులను సోమవారం నుంచి నిలిపివేస్తున్నాం."
- మురద్ సయీద్, పాక్ కమ్యునికేషన్స్, పోస్టల్ సర్వీసెస్ మంత్రి ట్వీట్
1999 ఫిబ్రవరిలో దిల్లీ-లాహోర్ మధ్య ఫ్రెండ్షిప్ బస్సు సర్వీసు ప్రారంభమైంది. 2001 పార్లమెంట్పై ఉగ్రవాదుల దాడి అనంతరం దానిని నిలిపివేశారు. 2003 జులైలో ఈ బస్సు సర్వీసు పునరుద్ధరించారు.
ఇలా సర్వీసులు నడుస్తాయ్..
ఇండియా గేట్ సమీపంలోని అంబేడ్కర్ స్టేడియం టెర్మినల్ నుంచి ప్రతి సోమ, బుధ, శుక్రవారాల్లో దిల్లీ రవాణా సంస్థ (డీటీసీ) బస్సులు లాహోర్ వెళ్తాయి. తిరిగి లాహోర్ నుంచి దిల్లీకి ప్రతి మంగళ, గురు, శనివారాల్లో బయలుదేరతాయి.
పాకిస్థాన్ టూరిజం డెవలప్మెంట్ కార్పొరేషన్ కూడా బస్సు సర్వీసు నడుపుతోంది. ఈ బస్సులు ప్రతి మంగళ, గురు, శనివారాల్లో దిల్లీ నుంచి లాహోర్కు పయనమవుతాయి. తిరిగి దిల్లీకి సోమ, బుధ, శుక్రవారాల్లో బయలుదేరతాయి.
ఇదీ చూడండి: హువావేతో అమెరికా వ్యాపారం పూర్తిగా బంద్
