ఈ ఏడాది చివరి నాటికి కరోనా వ్యాక్సిన్ను అందుబాటులోకి తీసుకురానున్నట్టు చైనా ప్రభుత్వ అనుబంధ ఫార్మా సంస్థ సినోఫార్మా తెలిపింది. ఈ వ్యాక్సిన్(రెండు డోసులు) 140యువాన్ల(రూ. 10,782) కన్నా తక్కువ ఉంటుందని సంస్థ ఛైర్మన్ లియూ జింగ్జెన్ పేర్కొన్నారు.
దేశంలోని 1.4 బిలియన్ మంది ప్రజలు వ్యాక్సిన్ తీసుకోవాల్సిన అవసరం లేదని.. పెద్ద పెద్ద నగరాల్లోని విద్యార్థులు, ఉద్యోగులకు టీకా అందించాలని వెల్లడించారు జింగ్జెన్.
సినోఫార్మా వద్ద ప్రస్తుతం రెండు వ్యాక్సిన్లు ట్రయల్స్ దశలో ఉన్నాయి. ఏడాదికి 220 మిలియన్ డోసులను తయారీ చేసే సామర్థ్యం ఈ సంస్థ సొంతం. తాను ఇప్పటికే ఈ వ్యాక్సిన్ను తీసుకున్నట్టు జింగ్జెన్ వెల్లడించారు.
ఇదీ చూడండి:- 'ఆ దేశ ప్రజలందరికీ ఉచితంగానే వ్యాక్సిన్'
