భారత్, చైనా మధ్య నెలకొన్న సరిహద్దు సమస్యలను శాంతి పూర్వక చర్చల ద్వారానే పరిష్కరించుకోవాలని చైనా పేర్కొంది. అదే సమయంలో సరిహద్దు సమస్యలను ద్వైపాక్షిక సంబంధాలతో ముడిపెట్టకూడదని ఆ దేశ విదేశాంగ మంత్రి ఝావో అన్నారు.
"శాంతిపూర్వక చర్చల ద్వారా సరిహద్దు సమస్యను పరిష్కరించుకోవాలి. సరిహద్దు సమస్యను ఇరు దేశాల మధ్య ద్వైపాక్షిక సంబంధాలతో ముడిపెట్టొద్దు."
-ఝావో లిజియాన్, చైనా విదేశాంగ మంత్రి
సరిహద్దుకు పశ్చిమాన తాము బలగాలను సాధారణ రక్షణ చర్యల్లో భాగంగానే మోహరించామని లిజియాన్ తెలిపారు. ఇది చైనా భూభాగాన్ని ఆక్రమించేందుకు యత్నించే దేశాలను అడ్డుకోవడానికి మాత్రమేనని స్పష్టం చేశారు.
వివాదాస్పద సరిహద్దులో బలగాల ఉపసంహరణపై చైనా కట్టుబడి ఉంటుందా అనే అనిశ్చితి ఇరు దేశాల మధ్య సంబంధాలకు సవాలుగా మారిందని ఖతార్లో జరిగిన ఓ సదస్సులో భారత్ విదేశాంగ మంత్రి జైశంకర్ వ్యాఖ్యానించారు. ఇందుకు స్పందనగా.. ఝావో లిజియాన్ ఈ వ్యాఖ్యలు చేశారు.
చైనా-భారత్ సరిహద్దు ప్రాంతమైన తూర్పు లద్ధాఖ్లోని గల్వాన్‌ లోయలో ఇరు దేశాల సైనికుల పరస్పర ఘర్షణలకు ఏడాది పూర్తయింది. 2020 జూన్‌ 15న జరిగిన ఈ ఘర్షణలల్లో ఇరువైపులా ప్రాణనష్టం జరిగింది. ఈ ఏడాది ఫిబ్రవరిలో బలగాల ఉపసంహరణకు ఇరు దేశాల మధ్య ఒప్పందం కుదిరినప్పటికీ అది పూర్తిస్థాయిలో అమలుకు నోచుకోలేదు.
ఇదీ చూడండి: Galwan Clash: భారత్ నేర్వాల్సిన పాఠాలు!
ఇదీ చూడండి: Galwan: 'ఆ ఘటనతో చైనాకు తెలిసొచ్చింది'
