అతడు పబ్లిక్ లాండ్రీ షాపులకు వెళ్తాడు... తన చేతికి పని చెప్తాడు... అక్కడ ఖరీదైన బట్టలు ఎన్ని ఉన్నా పట్టించుకోడు... అతడి కన్ను పడేది అండర్వేర్లపైనే! నేరుగా వాటి కోసం వెతుకుతాడు- అదీ అమ్మాయిలవేనండోయ్! ఇక అంతే.. లేపేసి చెక్కేయడమే!
జపాన్లో టెట్సువో ఉరాట (Tetsuo Urata) అనే 56 ఏళ్ల వ్యక్తి చేసే ఘనకార్యం ఇది. ఇప్పటివరకు 730 పీసుల మహిళల లోదుస్తులను (stealing underwear) అతడు దొంగలించాడు. ఓ 21 ఏళ్ల యువతి ఇచ్చిన పోలీస్ ఫిర్యాదుతో విషయం వెలుగులోకి వచ్చింది. కేసు నమోదు చేసుకొని ఉరాట ఇంటిని తనిఖీ చేసిన పోలీసులు.. అక్కడ కనిపించిన దృశ్యాలు చూసి నోరెళ్లబెట్టారు. నిందితుడి ఇంట్లో అన్నీ అండర్వేర్లే మరి!
'అన్ని లోదుస్తులను మేం ఇంతవరకు సీజ్ చేయలేదు' అని పోలీసులే విస్మయంతో చెప్పుకొచ్చారు. అయితే, ఇన్ని అండర్వేర్లు ఎందుకోసం దొంగతనం చేశాడన్నది మాత్రం తెలియలేదు. నిందితుడిని(underwear stealer) అరెస్టు చేసిన పోలీసులు దీనిపై మరింత విచారణ చేస్తున్నారు.
చాలా మంది ఉన్నారిలా...
జపాన్లో ఇటీవలి కాలంలో ఇలాంటి అనేక ఘటనలు జరిగాయి. మార్చిలో టకాహిరో కుబో(30) అనే ఎలక్ట్రీషియన్ 424 జతల లోదుస్తులను అపహరించినట్లు ఆరోపణలు ఉన్నాయి. 2019లో టోరు అదాచి(40) అనే వ్యక్తి 10 లోదుస్తులను దొంగతనం చేశాడని పోలీసులు అరెస్టు చేశారు. అతని ఇంటిని తనిఖీ చేయగా ఏకంగా 1100 లోదుస్తులు బయటపడ్డాయి.
అమెరికాలోనూ ఇలాంటి ఘటనలు తరచూ జరుగుతుంటాయి. జులైలో జాన్ థామస్ ఉడా అనే వ్యక్తి ఇంట్లో నుంచి 400 లోదుస్తులను పోలీసులు స్వాధీనం చేసుకున్నారు.
ఇదీ చదవండి: అదిరే ఫీట్.. సొరంగాల్లో నుంచి దూసుకెళ్లిన విమానం
