వైమానికదాడిలో 19మంది తాలిబన్లు హతం

అఫ్గానిస్థాన్​లోని వివిధ ప్రాంతాల్లో ఆ దేశ వాయుసేన జరిపిన దాడుల్లో 19 మంది తాలిబన్లు హతమైనట్లు అధికారులు తెలిపారు. కొన్నిరోజులుగా హెల్​మాండ్, కాందహార్​, ఉరూజ్ ప్రాంతాల్లో ప్రభుత్వ బలగాలు, తాలిబన్ల మధ్య ఘర్షణలు కొనసాగుతున్నట్లు సమాచారం.

అఫ్గానిస్థాన్​లో 19 మంది తాలిబన్లను మట్టుబెట్టింది ఆ దేశ వాయుసేన. వీరిలో తాలిబన్​ అగ్రనేత ముల్లా అమానుల్లా కూడా ఉన్నారు. హెల్​మాండ్​ ప్రావిన్స్​లో జరిగిన వైమానిక దాడిలో తన 8 మంది సహచరులు సహా అమానుల్లా హతమయ్యాడు. భారీ సంఖ్యలో ఆయుధాలనూ నాశనం చేసినట్లు ఆ దేశ రక్షణ మంత్రి తెలిపారు.

ఉత్తర ఫరియాబ్​​ ప్రావిన్స్​లోని కైసర్​ జిల్లాలో 10 మంది తాలిబన్లు మరణించగా, మరో ఐదుగురు గాయపడ్డారని పోలీసులు తెలిపారు. గడిచిన కొన్ని రోజులుగా హెల్​మాండ్, కాందహార్​, ఉరూజ్​​ ప్రావిన్సుల్లో ప్రభుత్వ బలగాలు, తాలిబన్ల మధ్య ఘర్షణలు కొనసాగుతున్నట్లు అధికారులు స్పష్టం చేశారు. అయితే దీనిపై తాలిబన్లు ఇప్పటివరకు స్పందించలేదు.

ఇదీ చూడండి: రెండోసారి లాక్​డౌన్​ దిశగా బ్రిటన్​ అడుగులు!