కొవిడ్ నిర్ధరణ పరీక్షను సులభతరం చేయడమే కాకుండా.. ఫలితాన్ని స్మార్ట్ఫోన్కు పంపే సరికొత్త చిప్ను అమెరికా శాస్త్రవేత్తలు రూపొందించారు. స్టాంపు పరిమాణంలో ఉండే ఈ మైక్రోప్లూడిక్ పరికరం.. 55 నిమిషాల్లో ఫలితాన్ని వెల్లడిస్తుంది. రైస్ యూనివర్సిటీ శాస్త్రవేత్తలు చేపట్టిన ఈ పరిశోధన వివరాలను ఏసీఎస్ సెన్సర్స్ పత్రిక అందించింది.
"చిన్నపాటి రక్తపు బొట్టును పరిశీలించడం ద్వారా కరోనా సోకిన విషయాన్ని ఈ పరికరం గుర్తిస్తుంది. కొవిడ్ బాధితుల రక్తంలో న్యూక్లియోకాప్సిడ్ అనే ఎన్-ప్రొటీన్ అభివృద్ధి చెందుతుంది. మేము రూపొందించిన చిప్లో నానోబీడ్స్ను ఉంచాం. రక్త నమూనాల్లో ఎన్-ప్రొటీన్లు ఉండే.. ఈ నానోబీడ్స్ వాటితో అతుక్కుపోయి, చిప్లో ఉన్న ఎలక్ట్రో-కెమికల్ సెన్సర్లకు చేరవేస్తాయి. స్వల్ప పరిమాణంలో ఎన్-ప్రొటీన్లు ఉన్నా.. 25 నిమిషాల్లోనే ఈ సెన్సర్లు సులభంగా గుర్తిస్తాయి. ఆ వెంటనే చిప్తో అనుసంధానమైన గూగుల్ పిక్సెల్-2 ఫోన్కు సమాచారం వస్తుంది." అని పరిశోధనకర్త పీటర్ లిలెహోజ్ వివరించారు.
ఈ పరీక్ష నిర్వహణకు ప్రయోగశాల అవసరం లేదని, ఈ చిప్ను ఉపయోగించి రక్త నమూనాల సేకరణ వద్దే ఫలితాలను తెలుసుకోవచ్చని పరిశోధకులు తెలిపారు.
ఇదీ చదవండి: టీకా బాటలో వెనకబాటు- ఉరకలేస్తున్న ఇజ్రాయెల్‌
