అగ్రరాజ్యం అమెరికాలో కరోనా కేసులు పది లక్షలకు దాటాయి. ఇక్కడ మొత్తం కేసుల సంఖ్య 1,010,507కి చేరింది. కరోనాతో అమెరికాలో ఇప్పటి వరకు 56,803 మంది మృతి చెందారు. 138,990 మంది కొవిడ్-19 నుంచి కోలుకున్నారు.
దేశంలో కేసులు, మరణాల్లో సింహభాగం న్యూయార్క్‌దే. ఈ రాష్ట్రంలో 2,93,991 కేసులు, 22,612 మరణాలు నమోదయ్యాయి. ప్రపంచవ్యాప్తంగా ఇప్పటివరకు నమోదైన కేసుల్లో మూడింట ఒక వంతు అమెరికాలోనే ఉండడం గమనార్హం. దేశంలో ఈ నెల 14న అత్యధికంగా ఒక్కరోజులో 2,405 మంది మృతిచెందారు.
అమెరికాలో గతంలో అత్యధికంగా హెచ్‌1ఎన్‌1 వైరస్‌తో 12,469 మంది, 2017-18 ఫ్లూ సీజన్‌లో 80,000 మంది మృతి చెందారు.
ఇదీ చూడండి:కరోనా పంజా.. ఆ దేశాల్లో మళ్లీ పెరిగిన మరణాలు
