కరోనా వ్యాక్సిన్ ట్రయల్స్ను అమెరికా ఔషధ నియంత్రణ సంస్థ(ఎఫ్డీఏ) ఆలస్యం చేస్తోందని ఆరోపించారు ఆ దేశ అధ్యక్షుడు డొనాల్డ్ ట్రంప్. మానవులపై ప్రయోగాలను నెమ్మదింపజేసే ప్రయత్నం చేస్తున్నారని విమర్శిస్తూ శనివారం ట్వీట్ చేశారు.
"మానవులపై కరోనా వ్యాక్సిన్ ట్రయల్స్ను నిర్వహించాలనుకుంటున్న ఔషధ సంస్థలకు ఎఫ్డీఏ సహకరించడం లేదు. ప్రయత్నాలను క్లిష్టతరం చేస్తున్నారు. నవంబరు 3 వరకు సమాధానం చెప్పాలని వారు భావించడం లేదు. వ్యాక్సిన్ ట్రయల్స్ వేగవంతం చేసి, ప్రాణాలను కాపాడటంపై దృష్టి సారించాలి"
-డొనాల్డ్ ట్రంప్ ట్వీట్.
అమెరికాలో ప్రస్తుతం మూడు వ్యాక్సిన్ క్యాండిడేట్లు.. చివరి దశ ట్రయల్స్లో ఉన్నాయి. ఆ దేశంలో ఇప్పటివరకు 58లక్షల మందికిపైగా వైరస్ బారినపడ్డారు. లక్షా 80వేల మందికిపైగా ప్రాణాలు కోల్పోయారు.
