ర్యాలీలో తొక్కిసలాట
అమెరికాలో మరోసారి తుపాకీ కలకలం రేగింది. వాషింగ్టన్ డీసీలో స్వలింగ సంపర్కుల ప్రైడ్ పరేడ్లో పేలుడు శబ్దం విని ప్రజలు భయంతో పరుగులు తీశారు. ఈ ఘటనలో పలువురికి గాయాలయ్యాయి.
పరేడ్లో ఎవరూ తుపాకీని పేల్చలేదని స్పష్టం చేశారు మెట్రోపాలిటన్ కమాండర్ గ్విల్లెర్మో రివేరా. అయితే తుపాకీ వెంట తెచ్చుకున్న ఓ యువకుడిని అదుపులోకి తీసుకున్నామన్నారు.
"ప్రజలు భయంతో పరుగెత్తారు. ఓ వ్యక్తి తుపాకీతో కాల్పులు జరుపుతున్నాడని అరిచారు. ఓ వ్యక్తి తుపాకీతో వచ్చినట్టు గుర్తించాం. అదుపులోకి తీసుకుని ఆయుధాన్ని స్వాధీనం చేసుకున్నాం. తను తుపాకీ పేల్చినట్టు ఎలాంటి ఆధారాలు లేవు. అయితే ఆయుధం కలిగి ఉన్నాడనే కారణంతో అరెస్టు చేశాం."
-గ్విల్లేర్మో రివేరా, మెట్రోపాలిటన్ కమాండర్
ఇదీ చూడండి: అల్బేనియాలో ఉద్ధృతంగా ప్రభుత్వ వ్యతిరేక నిరసనలు
