అమెరికాలో మరో భారత సంతతి వ్యక్తికి అరుదైన గౌరవం దక్కింది. సమచార వ్యవస్థను నియంత్రించే స్వతంత్ర వ్యవస్థ దేశ ఫెడరల్ కమ్యూనికేషన్స్ కమిషన్ (ఎఫ్సీసీ)లో సాంకేతిక విభాగం అధిపతిగా డా.మోనీష ఘోష్ నియామకమయ్యారు. ఎఫ్సీసీ సాంకేతిక విభాగంలో తొలి మహిళా చీఫ్ రికార్డ్ సృష్టించారు. ఎఫ్సీసీలో ఇండో-అమెరికన్ ఛైర్మన్ అజిత్ పాయ్తో పాటు సంస్థకు సాంకేతికత, ఇంజినీరింగ్ సమస్యల్లో సలహాలు అందించనున్నారు ఘోష్. ఇంజినీరింగ్ అండ్ టెక్నాలజీ విభాగానికి అనుబంధంగా పని చేయనున్నారు.
ప్రస్తుతం ఈ పదవిలో ఉన్న డా.ఎరిక్ బర్గెర్ స్థానంలో బాధ్యతలు చేపట్టనున్నారు మోనీష. వచ్చే ఏడాది జనవరి 13 నుంచి బాధ్యతలు స్వీకరించనున్నారు.
ఎఫ్సీసీ..
రేడియో, టెలివిజన్, వైర్, సాటిలైట్, కెబుల్ వంటి రంగాల్లో అమెరికాలోని కొలంబియా జిల్లాలు, 50 రాష్ట్రాల్లో.. అంతర్రాష్ట్రాల మధ్య, అంతర్జాతీయంగా సమాచార వ్యవస్థను నియంత్రిస్తుంది ఫెడరల్ కమ్యూనికేషన్ కమిషన్ (ఎఫ్సీసీ).
ఎన్ఎస్ఎఫ్లో విధులు..
2017 నుంచి నేషనల్ సైన్స్ ఫౌండేషన్లోని కంప్యూటర్ అండ్ నెట్వర్క్ సిస్టమ్ విభాగంలో ప్రోగ్రాం డైరెక్టర్గా విధులు నిర్వర్తిస్తున్నారు మోనిష ఘోష్.
ఇదీ చూడండి: వరదల్లో సుందరమైన వెనిస్ నగరం
