అఫ్గానిస్థాన్లోని తాలిబన్ల విషయంలో అమెరికా అనుసరిస్తున్న విధానాన్ని తప్పుపట్టారు మాజీ అధ్యక్షుడు డోనాల్డ్ ట్రంప్. తాలిబన్లు అఫ్గాన్లోని నగరాలను, ప్రావిన్సులను స్వాధీనం చేసుకోవడంపై స్పందించిన ఆయన.. ఈ విషయంలో అధ్యక్షుడు జో బైడెన్ పూర్తిగా విఫలమయ్యారని ఆరోపించారు.
"ఇప్పటివరకు అమెరికా మీద ఉన్న భయం, గౌరవం ఇకపై తాలిబన్లకు ఉండవు. కాబూల్లోని అమెరికా రాయబార కార్యాలయంపై తాలిబన్లు వారి జెండా ఎగరవేస్తారు. అదే జరిగితే ఆ ఘటన అమెరికాకు ఏంతో అవమానకరం. అది కచ్చితంగా అమెరికా వైఫల్యంగా పరిగణించాలి. బలహీనత, అసమర్థతకు అద్దం పడుతోంది."
-డొనాల్డ్ ట్రంప్, అమెరికా మాజీ అధ్యక్షుడు
అఫ్గానిస్థాన్లో 5 వేల మంది అమెరికా బలగాలను మోహరిస్తున్నాట్లు అధ్యక్షుడు జోబైడెన్ తెలిపిన కొన్ని గంటల్లోనే ట్రంప్ ఈ వ్యాఖ్యలు చేశారు. విదేశాంగ విధానం, ఇతర సమస్యలపై బిడెన్ ప్రతిసారీ తప్పు చేస్తారని అన్నారు.
"అఫ్గాన్ నుంచి అమెరికా పారిపోయింది అని అందరూ అనుకుంటారు. గతంలో అనుసరించిన ప్రణాళికలను కొనసాగించి ఉంటే మన రాయబార కార్యాలయాన్ని తమ అధీనంలోకి తీసుకోవాలి అనే ఆలోచన కూడా వారిలో కలిగేది కాదు. ఇప్పుడు అమెరికాపై కొత్త దాడులకు ప్రణాళికలు రచిస్తున్నారు."
-ట్రంప్, అమెరికా మాజీ అధ్యక్షుడు
తాలిబన్ల అధీనంలో మరో ప్రావిన్స్..
తాలిబన్లు తాజాగా బల్ఖ్ ప్రావిన్స్ రాజధాని మజార్-ఇ-షరీఫ్ను స్వాధీనం చేసుకున్నారు. మజార్-ఇ-షరీఫ్.. ఉత్తర అఫ్గాన్లో చివరి ప్రధాన నగరం. అఫ్గాన్ సైనిక బలగాలుతో భీకర పోరు అనంతరం ఈ నగరంపై తాలిబన్లు పట్టు సాధించారు. ఈ నగరం నుంచి అఫ్గాన్ సైనికులు పారిపోయినట్లు పలు వీడియోలు సామాజిక మాధ్యమాల్లో హల్చల్ చేస్తున్నాయి. దీంతో ఉత్తర అఫ్గాన్ మొత్తం తాలిబన్లు స్వాధీనం చేసుకున్నట్లు అయింది.
ఇదీ చూడండి: కాబుల్కు 70 కి.మీ దూరంలో తాలిబన్లు- ఏ క్షణమైనా...
