బ్రిటన్ రాజదంపతులు ప్రిన్స్ హ్యారీ, మేఘన్కు పార్ట్ టైమ్ ఉద్యోగాలు ఇవ్వడానికి సిద్ధంగా ఉన్నామని అమెరికా కేంద్రంగా పనిచేసే బహుళజాతి ఆహార సంస్థ బర్గర్ కింగ్ ప్రకటించింది. అర్జెంటీనాలోని బర్గర్ కింగ్ విభాగం ఈ మేరకు ఓ సరదా ట్వీట్ చేసింది.
"ప్రియమైన డ్యూక్ హ్యారీ... మీరు కిరీటాన్ని వదలకుండానే మీ మొదటి ఉద్యోగాన్ని పొందవచ్చు. బర్గర్ కింగ్ మీకు పార్ట్టైమ్ ఉద్యోగాలు ఇవ్వడానికి సిద్ధంగా ఉంది."
- బర్గర్ కింగ్ ట్వీట్
ఫిదా అవుతున్న నెటిజన్లు
బర్గర్ కింగ్ ట్వీట్కు నెటిజన్లు ఫిదా అవుతున్నారు. అదిరే సెటైర్తో ఈ రోజు ఇంటర్నెట్నే గెలుచుకున్నావంటూ ప్రశంసల వర్షం కురిపిస్తున్నారు. దీనిపై తమదైన శైలిలో ట్వీట్లు కూడా చేస్తున్నారు.
"ప్రిన్స్ హ్యారీ తలుచుకుంటే మొత్తం మీ (బర్గర్ కింగ్) సంస్థనే కొనుగోలు చేయగలరు. కాకపోతే మెక్ డొనాల్డ్స్ ఫ్రైస్.. బర్గర్ కింగ్ వంటకాల కంటే చాలా బాగుంటాయి."
"ప్రిన్స్ హ్యారీ ఇకపై ఫ్రైస్ చేయడం మొదలెడతారేమో!"
"ప్రిన్స్ హ్యారీ మెక్డొనాల్డ్స్లో పనిచేయనున్నాడు. ఇప్పటికే ఆయన దగ్గర ఓ విగ్ కూడా ఉంది."
జీవితాంతం ఫ్రీ కాఫీ
రాజదంపతులు కెనడాకు వస్తే, వారికి జీవితాంతం ఉచితంగా కాఫీ అందిస్తామని... కెనడియన్ కాఫీ సంస్థ 'టిమ్ హోర్టన్స్' ఇటీవలే ప్రకటించి, చర్చనీయాంశమైంది.
ఆర్థిక స్వతంత్రం కోసం
ప్రిన్స్ హ్యారీ, అయన భార్య మేఘన్.. ఆర్థికంగా స్వతంత్రంగా ఉండాలని నిర్ణయించుకున్నారు. అందుకే 'సీనియర్ రాయల్స్' అర్హతలను వదులుకున్నారు. ఈ నేపథ్యంలోనే వారికి ఉద్యోగాలు కల్పిస్తామని పలు సంస్థలు ముందుకొస్తున్నాయి.
ఇదీ చూడండి: అమెరికాలో సిక్కులకు ప్రత్యేక గుర్తింపు
