గత 40 ఏళ్లలో లేని విధంగా రానున్న నెలల్లో అమెరికా ఆర్థిక వ్యవస్థ పుంజుకుంటుందని అమెరికా అధ్యక్షుడు బైడెన్ సోమవారం పేర్కొన్నారు. అయితే ఈ క్రమంలో స్వల్ప అడ్డంకులు ఎదురవతాయని తెలిపారు. గత రెండు నెలలుగా గణనీయంగా తగ్గిన ఉపాధి అవకాశాలే ఇందుకు కారణంగా తెలుస్తోంది.
"అమెరికన్ల ఉద్యోగాలకు సంబంధించి ఓ ప్రణాళిక అవసరం. ఈ మేరకు ఎనిమిదేళ్ల సుదీర్ఘ ప్రణాళికను రచించాం. దీని ద్వారా దేశంలోని ఉద్యోగులందరూ.. వృద్ధి చెందుతున్న ఆర్థిక వ్యవస్థ నుంచి లాభపడేలా చర్యలు చేపట్టనున్నాం."
-జో బైడెన్, అమెరికా అధ్యక్షుడు
ఆరోగ్య రంగంలో ట్రాన్స్జెండర్లు లింగ వివక్ష ఎదుర్కోకుండా బైడెన్ ప్రభుత్వం చర్యలు చేపట్టింది. ట్రాన్స్జెండర్ల హక్కులను పరిమితం చేస్తూ మాజీ అధ్యక్షుడు డొనాల్డ్ ట్రంప్ తీసుకున్న నిర్ణయాన్ని బైడెన్ రద్దు చేశారు. బైడెన్ నిర్ణయం పట్ల అమెరికన్ మెడికల్ అసోసియేషన్ హర్షం వ్యక్తం చేసింది. అయితే పలువురు ఈ చర్యపై అభ్యంతరాలు వ్యక్తం చేస్తున్నారు.
ఇదీ చదవండి : 'భారత్ రకం కరోనా స్ట్రెయిన్.. ఆందోళనకరం'
