బస్సులు ఢీ- 16 మంది కార్మికులు మృతి

మెక్సికోలో రెండు బస్సులు ఢీ కొని 16 మంది కార్మికులు ప్రాణాలు కోల్పోయారు. మరో 14 మంది గాయాలపాలయ్యారు.

మెక్సికోలో రెండు బస్సులు ఢీకొన్న ఘటనలో 16 మంది గని కార్మికులు చనిపోయారు. సరిహద్దు రాష్ట్రం సోనోరాలో జరిగిన ఈ ప్రమాదంలో మరో 14 మంది గాయపడ్డారు. మంగళవారం తెల్లవారుజామున నోషీ బ్యుయెనా గనికి చెందిన ఉద్యోగులను తరలిస్తుండగా బస్సులు ఢీకొన్నాయి.

ఈ రెండు బస్సుల్లో ఒకటి ఘోరంగా దెబ్బతిన్నట్లు తెలుస్తోంది. చనిపోయిన వారంతా ఆ బస్సులోనే ఉన్నారని సమాచారం. వారిలో ముగ్గురు మినహా మిగిలినవారందరూ పురుషులే. నోషీ బ్యుయెనా.. కాబోర్కాకు దగ్గర్లో ఉన్న బంగారు గని.

ఇదీ చూడండి: ఇండోనేసియాలో వరదలకు 100 మంది బలి