టాలీవుడ్ ఐకాన్ స్టార్ అల్లు అర్జున్ లీడ్ రోల్లో సుకుమార్ దర్శకత్వంలో వస్తున్న సినిమా 'పుష్ప ద రూల్'. 'పుష్ప-1'కు సీక్వెల్గా తెరకెక్కుతున్న ఈ సినిమా ప్రస్తుతం షూటింగ్ శరవేగంగా జరుపుకుంటోంది. పాన్ ఇండియా లెవెల్లో రిలీజ్కు రెడీ అయ్యేందుకు సిద్ధం కానుంది. ఇటీవలే విడుదలైన ఫస్ట్ లుక్ పోస్టర్, వేర్ ఈజ్ పుష్ప వీడియో ప్రేక్షకులను మెస్మరైజ్ చేశాయి. ఈ రెండింటితో ఈ సినిమాల గురించి అభిమానుల్లో భారీ అంచనాలే ఏర్పాడ్డాయి. వీడియోతో పాటు పోస్టర్తో ఇచ్చిన హింట్స్తో మొదటి పార్ట్ కంటే ఈ రెండు పార్ట్ ఇంకా ఆసక్తికంగా ఉంటుందని ఫ్యాన్స్ అంటున్నారు. దీంతో ప్రతి ఒక్కరూ ఈ సినిమా గురించి నెట్టింట తెగ చర్చించుకుంటున్నారు.
అయితే తాజాగా ఈ మూవీకి సంబంధించిన ఓ అప్డేట్ సోషల్ మీడియాలో చక్కర్లు కొడుతోంది. ప్రస్తుతం భారీ షెడ్యూల్ నడుమ షూటింగ్ జరుపుకుంటున్న ఈ సినిమా రానున్న ఏడాది రిలీజ్ అయ్యేందుకు అవకాశాలు ఉన్నట్లు సమాచారం. అంతే కాకుండా సినీ వర్గాల ప్రకారం..ఈ మూవీకి సీక్వెల్గా పార్ట్ 3 కూడా రానున్నట్లు టాక్ నడుస్తోంది. సుకుమార్ ఇప్పటికే స్టోరీ రెడీ చేసుకున్నట్లు సమాచారం. అయితే ఈ విషయంపై చిత్ర యూనిట్ నుంచి అఫీషియల్గా ఎటువంటి అనౌన్స్మెంట్ రాలేదు.
మల్కన్గిరి అడవుల్లోకి పుష్పరాజ్ ఎంట్రీ..
'పుష్ప' మెదటి భాగంలో కనిపించిన ఫైట్ సీన్స్ ఆ సినిమాకే హైలైట్గా నిలిచాయి. ఆ సీన్స్ అన్నింటిని ఆంధ్రప్రదేశ్లోని మారేడుమిల్లి ఫారెస్ట్లో షూట్ చేశారు. అయితే ఈ సారి 'పుష్ప 2'లోని ఫైట్ సీన్స్ను ఆంధ్రప్రదేశ్, ఒడిశా సరిహద్దు జిల్లా అయిన మల్కన్‌గిరిలోని కొన్ని ప్రాంతాలను ఎంపిక చేసుకుని అక్కడ 'పుష్ప 2' షూటింగ్ జరుపుతున్నారు. ఇప్పటికే ఈ షూట్ కోసం మూవీ టీమ్ అక్కడికి చేరుకుంది. ఈ క్రమంలో హీరో అల్లు అర్జున్ కూడా మల్కన్గిరి చేరుకున్నారు. ఆయన ఆ అడవుల్లో నడుచుకుంటూ వెళ్తున్న సమయంలో తీసిన ఫొటోలు సోషల్ మీడియాలో తెగ ట్రెండ్ అవుతున్నాయి.
అయితే ఈ షూట్ కోసం మైత్రీ మూవీ మేకర్స్ ప్రొడక్షన్ మేనేజర్ పి.వెంకటేశ్వరరావుతో పాటు యాక్షన్ డైరెక్టర్ పీటర్ హెయిన్, ప్రొడక్షన్ డిజైనర్ రామకృష్ణ తదితరులు మల్కన్గిరి జిల్లాలోని సరుకుబంధ హ్యాంగింగ్ బ్రిడ్జ్‌ హంటలగూడతో పాటు ఆ చుట్టుపక్కల లొకేషన్లను పరిశీలించారు. అలాగే, షూటింగ్ కోసం జిల్లా కలెక్టర్, ఎస్పీ అనుమతులు కూడా తీసుకున్నారు.
ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్న ఈ సినిమాలో నేషనల్ క్రష్ రష్మిక మందన్న హీరోయిన్గా నటిస్తోంది. మలయాళ హీరో ఫహాద్ ఫాజిల్, టాలీవుడ్ స్టార్స్ సునీల్ కీలక పాత్రలు పోషిస్తున్నారు. రాక్స్టార్ దేవిశ్రీ ప్రసాద్ ఈ సినిమాకు సంగీతం అందిస్తున్నారు.
