టాలీవుడ్ పవర్ స్టార్ పవన్ కల్యాణ్కు తెలుగునాట ఉన్న ఫాలోయింగ్ అంతా ఇంతా కాదు. అటు సినిమాలను ఇటు రాజకీయాలను బ్యాలెన్స్ చేసే ఆయనకు కొన్ని కోట్ల మంది అభిమానులు ఉన్నారు. సినిమాల్లో తనదైన స్టైల్లో నటించి మెప్పించిన ఈ స్టార్ హీరో.. ఇప్పుడు రాజకీయాల్లోనూ అదే విధంగా జోరు ప్రదర్శించేందుకు ప్రయత్నిస్తున్నారు. అయితే ఇన్నేళ్లు ఆయన కేవలం మీడియాలోనో లేకుంటే ట్విట్టర్లోనో తన అభిప్రాయాలను తెలియజేస్తూ ఫ్యాన్స్లో ఉత్తేజాన్ని నింపుతూ ఉండేవారు. తాజాగా మరో సోషల్ మీడియా ప్లాట్ఫామ్ అయిన ఇన్స్టాగ్రామ్లోకి ఆయన ఎంట్రీ ఇచ్చారు.
Pawan Kalyan Instagram : ఇప్పటికే ఆయన ఇన్స్టాలో రానున్నారని గత కొంత కాలంగా నెట్టింట కొన్ని వార్తలు హల్ చల్ చేశాయి. వాటిని నిజం చేసిన పవన్ కల్యాణ్ మంగళవారం ఇన్స్టా అకౌంట్ క్రియేట్ చేసుకున్నారు. అది కూడా వెరిఫైడ్ అకౌంట్. ఎలుగెత్తు, ఎదురించు, ఎన్నుకో..Jai Hind! అని తన అకౌంట్ డిస్క్రిప్షన్లో ఆయన అప్డేట్ చేశారు. అయితే ఇంకా ఆయన ఎటువంచి పోస్ట్ చేయలేదు. మరోవైపు పవన్ అభిమానులు నెట్టింట తెగ సంబరాలు చేసుకుంటున్నారు. సోషల్ మీడియాలో హ్యాష్ట్యాగ్లను ట్రెండ్ చేస్తున్నారు. అయితే క్రియేట్ చేసుకున్న గంటన్నర లోపే సుమారు నాలుగు లక్షల మందికి పైగా నెటిజన్లు ఆయన్ను ఫాలో అయ్యారు. ఇప్పుడు ఏకంగా 1 మిలియన్ మంది ఫాలోవర్స్ ఉన్నారు.
Pawan Kalyan Movies : ఇక రాజకీయాల్లో బిజీగా ఉన్న పవన్.. తన వరస ప్రాజెక్టులను కంప్లీట్ చేసేందుకు సన్నాహాలు చేస్తున్నారు. 'బ్రో', 'హరిహర వీరమల్లు', 'ఉస్తాద్ భగత్ సింగ్' 'ఓజీ' లాంటి సినిమాలను వీలైనంత త్వరగా పూర్తి చేసి థియేటర్లలో రిలీజ్ చేసే ప్లాన్స్లో ఉన్నారు. ఇటీవలే రిలీజైన 'బ్రో' టీజర్ కూడా ఆద్యంతం ప్రేక్షకులను ఎంతో ఆకట్టుకుంది. అందులో పవన్- సాయిధరమ్ యాక్టింగ్ సూపర్గా ఉందని అభిప్రాయపడ్డ ఫ్యాన్స్.. ఈ మామా అల్లుళ్ల కాంబో అదుర్స్ అంటూ కామెంట్లు పెడుతున్నారు. ఈ సినిమా రిలీజ్ కోసం ఆతృతగా వేచి చూస్తున్నారు.
- " class="align-text-top noRightClick twitterSection" data="">
