సినీ తారలు-టీమ్ఇండియా క్రికెటర్ల మధ్య అనుబంధం గురించి తెలిసిందే. పలు వేదికలపై కలిసి సందడి కూడా చేస్తుంటారు. కానీ సౌత్ ఇండస్ట్రీలో ఇలాంటి కల్చర్ అంతగా కనపడదు. అయితే ఇప్పుడు మన దక్షిణాది పరిశ్రమ.. తమ అద్భుతమైన సినిమాలతో దేశవ్యాప్తంగా గుర్తింపు పొందిన సంగతి తెలిసిందే. దీంతో మన హీరోల క్రేజ్ బాగా పెరిగిపోయింది. మన కథానాయకులకు భారత క్రికెటర్లు కూడా ఫ్యాన్స్గా మారిపోతున్నారు.
అయితే ఇక విషయానికొస్తే.. 'ఆర్ఆర్ఆర్' ముందు వరకు సౌత్ ప్రేక్షకులకు మాత్రమే పరిచయమైన జూనియర్ ఎన్టీఆర్.. ఆ సినిమా తర్వాత వరల్డ్ వైడ్గా పాపులర్ అయిపోయారు. బాలీవుడ్ సినీ సెలబ్రిటీల నుంచి హాలీవుడ్ తారలు మెచ్చుకునే స్థాయికి ఎదిగారు. ఈ క్రమంలోనే గతేడాది ఫ్యామిలీతో ఫారెన్ వెకేషన్‌కు వెళ్లిన తారక్‌.. క్రిస్మస్‌, న్యూ ఇయర్ వేడుకల్ని కూడా అక్కడే చేసుకున్నారు. ఆ తర్వాత నాటు నాటు సాంగ్కు గోల్డెన్ గ్లోబ్ అవార్డు వరించిన సందర్భంగా మూవీటీమ్తో పాటు భార్యతో కలిసి అమెరికాలో జరిగిన వేడుకలో సందడి చేశారు. అయితే ఇప్పుడాయన స్వదేశానికి తిరిగి వచ్చినట్లు తెలుస్తోంది. వచ్చీ రాగానే ఆయన హైదరాబాద్లో టీమ్ఇండియాతో కలిసి దిగిన ఫొటో ఒకటి నెట్టింట చక్కర్లు కొడుతోంది.
ప్రస్తుతం భారత జట్టు హైదరాబాద్లో ల్యాండ్‌ అయిన సంగతి తెలిసిందే. ఈ సందర్భంగా భారత జట్టులోని పలువురు క్రికెటర్లు తారక్‌ను కలిసినట్లు తెలుస్తోంది. ఈ ఫొటోలో ఎన్టీఆర్తో సూర్య కుమార్ యాదవ్, ఇషాన్ కిషన్, చాహల్, శుభమన్ గిల్‌, శార్దుల్తో పాటు పలువురు ప్లేయర్లు ఉన్నారు. అయితే వీరు ఎక్కడ కలిశారన్నది మాత్రం స్పష్టత లేదు. వారి బ్యాక్‌గ్రౌండ్‌లో ఫుల్ లైటింగ్‌ సెట్‌, కార్లు కనిపిస్తున్నాయి.
కాగా, శ్రీలంకపై టీ20, వన్డే సిరీస్‌ను దక్కించుకుని ఫుల్ జోష్లో ఉన్న టీమ్ఇండియా.. స్వదేశంలో న్యూజిలాండ్తో మూడు వన్డేలు, మూడు టీ20ల్లో తలపడనుంది. ముందుగా వన్డే సిరీస్లో భాగంగా తొలి మ్యాచ్ను హైదరాబాద్‌లోని ఉప్పల్‌ క్రికెట్‌ స్టేడియం వేదికగా జనవరి 18 ఆడనుంది. ఇందులో భాగంగా హైదరాబాద్ చేరుకున్న భారత జట్టు ఎన్టీఆర్ను కలిసినట్లు అర్థమవుతోంది. ఈ ఫొటో ప్రస్తుతం ఫుల్ ట్రెండ్ అవుతోంది.
ఇదీ చూడండి: మార్కెట్లో మన సినిమా పేరు మార్మోగిపోవాలా.. సరికొత్త ప్రచారంతో దుమ్మురేపుతున్న టాలీవుడ్‌
