సినీ పరిశ్రమలో ఎలాంటి బ్యాగ్రౌండ్ లేకుండా టాలెంట్ అండ్ లక్తో పైకి వచ్చిన నటీనటులు చాలా మందే ఉంటారు. అలాంటి వారిలో హీరో సుహాస్ ఒకరు. సినిమాల మీద ఇంట్రెస్ట్తో యూట్యూబర్గా కెరీర్ మొదలుపెట్టి.. ప్రస్తుతం సిల్వర్స్క్రీన్పై నటుడిగా తనకంటూ ప్రత్యేకమైన గుర్తింపు తెచ్చుకున్నారు. చిన్న చిన్న క్యారెక్టర్లు చేస్తూ ప్రస్తుతం భిన్న పాత్రలు పోషించే స్థాయికి ఎదుగుతున్నారు. హీరోగా కలర్ ఫోటోతో ఎంట్రీ ఇచ్చి తొలి ప్రయత్నంలోనే సక్సెస్ను అందుకున్నారు. రీసెంట్గా రైటర్ పద్మభూషన్తో మరో సక్సెస్ను తన ఖాతాలో వేసుకున్నారు. స్టార్ హీరోలు సైతం ఆయనపై ప్రశంసలు కురిపించారు.
అయితే ఇక విషయానికొస్తే.. కలర్ ఫోటో సినిమా జాతీయ స్థాయిలో గుర్తింపు సాధించిన విషయం తెలిసిందే. జాతీయ అవార్డును అందుకుంది. స్టార్ నటులు లేకపోయినా, కొత్త దర్శకుడే అయినా కథలో బలం ఉంటే విజయం వరిస్తుందని నిరూపించింది. ఎంతోమంది సినీ ఔత్సాహికులకు నమ్మకాన్నిచ్చింది. ఈ చిత్రంతో నటుడు సుహాస్-దర్శకుడు సందీప్ రాజ్ ఇద్దరూ ఒకేసారి తొలి ప్రయత్నంలోనే సక్సెస్ అయ్యారు. అయితే తాజాగా అందుతున్న సమాచారం ప్రకారం.. ఈ కాంబో మరోసారి బిగ్ స్క్రీన్పై సందడి చేసేందుకు సిద్ధమవుతోందని తెలుస్తోంది. సందీప్ దర్శకత్వంలో సుహాస్ హీరోగా మరో ప్రాజెక్ట్ పట్టాలెక్కనున్నట్లు సమాచారం. ఈ కొత్త ప్రాజెక్టును గీతా ఆర్ట్స్ బ్యానర్ పై తెరకెక్కిస్తారని తెలుస్తోంది. దీనిపై అధికారిక ప్రకటన రాలేదు. ఇప్పటికే అల్లు అరవింద్ కూడా ఈ ప్రాజెక్టుపై ఇంట్రెస్టుగా ఉన్నట్లు తెలుస్తోంది. చూడాలి మరి ఏం జరుగుతుందో.
శేఖర్ కమ్ముల అసిస్టెంట్ డైరెక్టర్తో.. హీరోయిన్స్లో సాయి పల్లవికి ఉండే క్రేజే వేరు. గ్లామర్ షో చేయకుండా కేవలం సహజత్వంతోనే నటిస్తూ కెరీర్లో ముందుకెళ్తోంది. కమర్షియల్ పాత్రలతో పాటు నటన ప్రాధాన్యమున్న రోల్స్ కూడా చేస్తూ రెండింటినీ బ్యాలెన్స్ చేస్తోంది. అయితే ఈ భామ తెలుగులో శేఖర్ కమ్ముల దర్శకత్వంలో ఫిదా సినిమాతో ఎంట్రీ ఇచ్చిన సంగతి తెలిసిందే. మొదటి సినిమాతోనే బ్లాక్ బస్టర్ హిట్ అందుకుంది. ఆ తర్వాత ఈ కాంబోలో వచ్చిన లవ్స్టోరీ కూడా మరో సూపర్ హిట్ను అందుకంది. ఈ రెండు చిత్రాలు ప్రేక్షకుల్ని బాగా హత్తుకున్నాయి. అలా ఈ కలయికపై ఆడియెన్స్లో మంచి క్రేజ్ ఏర్పడింది. తాజాగా ఈ కాంబో గురించి ఓ ఇంట్రెస్టింగ్ వార్త ఒకటి బయటకు వచ్చింది.
అయితే ఈ సారి శేఖర్ కమ్ముల అసిస్టెంట్ డైరెక్టర్తో సాయి పల్లవి ఓ ప్రాజెక్ట్ చేసేందుకు ఆసక్తి చూపుతుందోని తెలుస్తోంది. కానీ అది సినిమా కాదండోయ్.. ఒక వెబ్ సిరిస్ అని తెలుస్తోంది. నెట్ఫ్లిక్స్లో ఇది ప్రసారం కానుందట. త్వరలోనే దీనిపై అధికార ప్రకటన వచ్చే అవకాశముంది. ఇకపోతే గతంలోనూ సాయి పల్లవి పావ కధైగల్ అనే వెబ్ సిరిస్ చేసి ఆకట్టుకుంది. ప్రస్తుతం ఈ భామ శివ కార్తికేయన్ హీరోగా చేస్తోన్న ఓ సినిమాలో హీరోయిన్గా చేస్తోంది. ఇంకా ధనుశ్ 50వ సినిమాలోనూ సాయి పల్లవిని ఎంపిక చేసినట్లుగా టాక్ వినిపిస్తోంది.
ఇదీ చూడండి: కళ్లు చెదిరే సీన్స్తో 'ఫాస్ట్ ఎక్స్' ట్రైలర్.. ఒకేసారి 20కుపైగా కార్లు గాల్లోకే..
