Randeep Hooda Wedding : ప్రముఖ బాలీవుడ్ నటుడు రణ్దీప్ హుడా పెళ్లిపీటలెక్కనున్నారు. 47 ఏళ్ల వయసులో తన ప్రియురాలు లిన్ లైస్రామ్‌ను మరికొద్ది రోజుల్లో పెళ్లి చేసుకోబోతున్నారు. ఈ మేరకు తన పెళ్లి విషయాన్ని తెలియజేస్తూ రణ్దీప్ హుడా తాజాగా సోషల్ మీడియాలో పోస్ట్ పెట్టారు. ఈ నెల 29న తమ వివాహం జరగనుందని వెల్లడించారు.
Randeep Hooda Getting Married : 'మహాభారతంలో అర్జునుడు ఎక్కడ మణిపుర్‌ యువరాణి చిత్రాంగదను వివాహం చేసుకున్నారో.. అక్కడే కుటుంబసభ్యులు, సన్నిహితులు సమక్షంలో మేము ఒక్కటి కాబోతున్నాం. ఈ నెల 29న ఇంఫాల్‌లో మా వివాహం జరగనుంది. త్వరలోనే ముంబయిలో పెళ్లి విందు ఏర్పాటు చేయనున్నాం. మా ప్రయాణానికి మీ ఆశీస్సులు ఉండాలని కోరుకుంటున్నాం' అని ఆ పోస్టులో పేర్కొన్నారు. దీంతో ఈ పోస్ట్ కాస్త నెట్టింట్లో వైరల్‌గా అవుతోంది.
2001లో రిలీజైన 'మన్‌సూన్‌ వెడ్డింగ్‌'తో తెరంగేట్రం చేశారు రణ్దీప్ హుడా. 'రిస్క్‌', 'కర్మ ఔర్‌ హోలీ', 'కాక్‌టైల్‌', 'జిస్మ్‌ 2', 'బాంబే టాకీస్‌', 'కిక్‌', 'భాగి 2', 'రాధే' వంటి సినిమాల్లో రణ్బీర్ నటించారు. ప్రస్తుతం ఆయన తన తదుపరి చిత్రం 'స్వతంత్ర వీర్ సావర్కర్' చిత్రంలో బిజీగా ఉన్నారు. ఈ సినిమా స్వాతంత్య్ర పోరాట యోధుడు వినాయక్ దామోదర్ సావర్కర్ బయోపిక్గా రూపొందుతోంది. ఈ సినిమాతోనే రణ్దీప్ హుడా దర్శకుడిగా పరిచయం అవుతున్నారు. వహించారు. ఉత్కర్ష్ నైథానితో కలిసి ఈ సినిమాకు కో రైటర్గానూ వ్యవహరించారు.
మరోవైపు 37 ఏళ్ల ఆయన ప్రేయసి లిన్ లైస్రామ్ మోడలింగ్తో పాటు నటన, వ్యాపారంలో కూడా అడుగుపెట్టింది. లిన్ ఇప్పటివరకు 'మేరీకోమ్', 'రంగూన్', 'జానే జాన్', 'ఖైది బ్యాండ్', 'అక్సోన్', వంటి సూపర్ హిట్ సినిమాల్లో నటించారు. 2007లో విడుదలైన 'ఓం శాంతి ఓం' చిత్రంలో చిన్న కామియో రోల్ చేసి సినిమాల్లోకి బాలీవుడ్లో అరంగేట్రం చేశారు. కాగా రణ్దీప్, లిన్ ఎంతో కాలం నుంచి సీక్రెట్ రిలేషన్‌లో ఉన్నారు. రణ్దీప్ వయసు 47 ఏళ్లు కాగా.. ఆయన కంటే లిన్ పదేళ్లు చిన్నది.
'కాంతార- చాప్టర్1' బిగ్ అప్డేట్- ఫస్ట్లుక్ రిలీజ్ అప్పుడే!
ఆ ఒక్క ఫొటోతో బాలీవుడ్లో సందీప్ రెడ్డి మేజిక్.. సీక్రెట్ చెప్పేసిన బాబీ!
