Rampotineni Gowtham menon movie: టాలీవుడ్ హీరో రామ్పోతినేని.. కెరీర్లో వరుస ప్రాజెక్ట్లను ఓకే చేసుకుంటూ దూసుకెళ్తున్నారు. తాజాగా ఆయన మరో కొత్త చిత్రానికి గ్రీన్ సిగ్నల్ ఇచ్చేందుకు సిద్ధమయ్యారని తెలుస్తోంది. రామ్ ఇటీవలే లింగుస్వామి దర్శకత్వంలో 'ది వారియర్‌' చిత్రాన్ని పూర్తి చేశారు. తెలుగు, తమిళ భాషల్లో తెరకెక్కిన ఆ చిత్రం జులైలోనే విడుదల కానుంది. ఆ సినిమా సెట్స్‌పై ఉండగానే బోయపాటి శ్రీను దర్శకత్వంలో సినిమాకి కొబ్బరికాయ కొట్టారు.
ఇప్పుడు మరో కొత్త సినిమా కోసం చర్చలు జరుగుతున్నట్టు సమాచారం. ప్రేమకథలైనా సరే, యాక్షన్‌ కథలకైనా రెడీ అన్నట్టుగా కనిపించే రామ్ కోసం గౌతమ్ మేనన్ ఓ కథ సిద్ధం చేసినట్టు తెలుస్తోంది. ఇద్దరి మధ్య కొంతకాలంగా కథా చర్చలు జరుగుతున్నాయి. మేకింగ్‌లో ప్రత్యేకమైన శైలి ఉన్న గౌతమ్ మేనన్.. రామ్‌తో జట్టు కట్టనుండడం ఆసక్తిని రేకెత్తిస్తోంది. ఇక రామ్.. దర్శకుడు హరీశ్శంకర్తో సినిమా చేసే అవకాశాలు ఉన్నాయని వార్తలు వస్తున్నాయి. వీరిద్దరి మధ్య కథా చర్చలు జరుగుతున్నాయట. ఒకవేళ ఈ రెండు ప్రాజెక్ట్లు ఓకే అయితే ఏది ముందు సెట్స్పైకి వెళ్తుందో చూడాలి.
ఇదీ చూడండి: మిస్ ఇండియా పోటీల నుంచి తప్పుకున్న శివానీ రాజశేఖర్.. కారణమిదే
