Niharika Lavanya Tripathi Dance : మెగా సంక్రాంతి సంబరాలు బెంగుళూరులోని ఫామ్ హౌస్లో గ్రాండ్గా జరిగిన విషయం తెలిసిందే. మూడు రోజుల పాటు మెగా - అల్లు ఫ్యామిలీస్ ముగ్గుల పండగను ఫుల్ హ్యాపీగా చేసుకున్నాయి. పవన్ కళ్యాణ్ తప్ప అందరూ ఈ వేడుకకు హాజరై సందడి చేశారు. ఇక పండగ పూర్తి కావడం వల్ల నిన్ననే హైదరాబాద్కు చేరుకున్నారు. వేడుకకు సంబంధించిన ఫొటోలను చిరంజీవి, ఉపాసన ఎప్పటికప్పుడు పోస్ట్ చేస్తూనే ఉన్నారు. అయితే తాజాగా మెగాడాటర్ నిహరిక కొన్ని ఫొటోలను, వీడియోలను పోస్ట్ చేసింది. ఇందులో ఒకటి అందరి దృష్టిని ఆకర్షిస్తోంది.
అదేంటంటే వదినా ఆడపడుచు(లావణ్య త్రిపాఠి - నిహారిక) ఇద్దరు కలిసి డ్యాన్స్తో అదరగొట్టడం. బాబాయ్ పవన్ కళ్యాణ్ సాంగ్(సర్దార్ గబ్బర్సింగ్)కు నిహారిక, లావణ్య డ్యాన్స్ చేసి ఆకట్టుకున్నారు. ఈ వీడియో చూసిన అభిమానులు వదినా ఆడపడుచు డ్యాన్స్ సూపరహే అని అంటూ కామెంట్లు చేస్తూ షేర్ చేస్తున్నారు.
కాగా, గతేడాది నిహారిక అన్న, హీరో వరుణ్ తేజ్ - లావణ్య త్రిపాఠి పెళ్లి ఘనంగా జరిగిన విషయం తెలిసిందే. లావణ్య త్రిపాఠిని ప్రేమించి పెళ్లి చేసుకున్నారు వరుణ్. అయితే పెళ్ళికి ముందు నుంచే నిహారిక, లావణ్య మంచి ఫ్రెండ్స్ కూడా. అందుకే పెళ్లి తర్వాత కూడా వారు మంచి ఫ్రెండ్స్లానే ఉంటున్నారు. అందుకే ఈ సంక్రాంతి సంబరాల్లో హడావిడి అంతా ఈ వదినా ఆడపడుచులదే అన్నట్టుగా కలిసి సరదాగా గడిపారు.
ఇకపోతే మెగా ఫ్యామిలీలో నిహారిక అంటే ఎంతో స్పెషల్ అన్న సంగతి తెలిసిందే. విడాకులు తీసుకున్న తర్వాత ఈ భామ ప్రస్తుతం ఓవైపు నటిగా, మరోవైపు నిర్మాతగా ఎదగడానికి ప్రయత్నాలు చేస్తోంది. సోషల్ మీడియాలో ఎప్పుడూ యాక్టివ్గా ఉంటూ తనకు సంబంధించిన పర్సనల్ లైఫ్ విషయాలను షేర్ చేసుకుంటోంది. లావణ్య త్రిపాఠి సినిమాల విషయానికొస్తే పెళ్లి తర్వాత ఆమె నటించిన తొలి ప్రాజెక్ట్‌ 'మిస్‌ పర్‌ఫెక్ట్‌' వెబ్‌ సిరీస్. డిస్నీ+హాట్‌స్టార్‌ వేదికగా ప్రసారం కానున్నలో ఈ సిరీస్లో ఆమె ప్రధాన పాత్ర పోషిస్తున్నారు.
మెగా ఫ్యామిలీ ఫుల్ ఫొటో - స్పెషల్ అట్రాక్షన్గా అకీరా, ఆద్యా
