kalyan ram devil release date : నందమూరి హీరో కల్యాణ్ రామ్.. 'బింబిసార' సినిమాతో కెరీర్లోనే బిగ్గెస్ట్ హిట్ అందుకున్న సంగతి తెలిసిందే. అయితే ఆ తర్వాత బింబిసార్ ఇచ్చిన సక్సెస్ జోష్తో 'అమిగోస్'తో రాగా.. బాక్సాఫీస్ వద్ద బోల్తా కొట్టింది. దీంతో ఈ సారి ఎలాగైనా పక్కా ప్లాన్ అండ్ స్టోరీతో వచ్చి హిట్ కొట్టాలని పట్టుదలతో ఉన్నారు. ప్రస్తుతం ఆయన నుంచి త్వరలో థియేటర్లలోకి రానున్న చిత్రం 'డెవిల్'. 'ది బ్రిటీష్ సీక్రెట్ ఏజెంట్' అనే ట్యాగ్ లైన్తో ప్రేక్షకుల ముందుకు రానున్నాయి. అయితే ఈ సినిమా విడుదల విషయంలో కల్యాణ్ రామ్ సేఫ్ గేమ్ ఆడుతున్నారని అర్థమవుతోంది.
సేఫ్ గేమ్ ప్లాన్.. తాజాగా 'డెవిల్' మూవీ రిలీజ్ డేట్ను ప్రకటించిన సంగతి తెలిసిందే. నవంబర్ 24న రిలీజ్ చేయబోతున్నట్లు మూవీటీమ్ అఫీషియల్గా అనౌన్స్మెంట్ చేసింది. డెవిల్ డీకోడింగ్ అంటూ కల్యాణ్రామ్కు సంబంధించిన ఓ పోస్టర్ను రిలీజ్ చేసింది. అయితే నవంబర్లో దాదాపుగా ఎలాంటి సినిమాలు విడుదల కావట్లేదు. కేవలం చిన్న సినిమాలో వచ్చేటట్టు కనిపిస్తున్నాయి. ఇది డెవిల్ చిత్రానికి బాగా కలిసొచ్చే విషయమనే చెప్పాలి. అయితే నవంబరు ముందు వెనక మాత్రం బడా హీరోల చిత్రాలు వరుసగా విడుదలకు రెడీగా ఉన్నాయి. అక్టోబర్లో దసరా కానుకగా 'భగవంత్ కేసరి', 'టైగర్ నాగేశ్వరరావు'.. డిసెంబర్లో క్రిస్మస్ సందర్భంగా 'సైంధవ్', 'హాయ్ నాన్న' వంటి చిత్రాలు ఉన్నాయి. ఇక ఓజీ కూడా డిసెంబర్ ప్లాన్ చేస్తున్నారని రెండు మూడు రోజుల క్రితం వార్తలు వచ్చాయి.
ఇవన్నీ లెక్కలు వెసుకుని ఏ బడా సినిమా లేని నవంబర్ నెలలో డెవిల్ను థియేటర్లలోకి వదులుతున్నట్లు అర్థమవుతోంది. ఈ సినిమా కంటెంట్ క్లిక్ అయితే మాత్రం కల్యాణ్ రామ్ సేఫ్ గేమ్ ప్లాన్ సక్సెస్ అవుతుంది. ఆయన ఖాతాలో మరో బ్లాక్ బస్టర్ హిట్ పడుతుంది. చూడాలి మరి ఈ సినిమా ఎంత వరకు క్లిక్ అవుతుందో..
- https://twitter.com/i/status/1677583435437838336
Kalyan ram devil glimpse : ఇక ఈ చిత్రంలో బింబిసార హీరోయినే సంయుక్త మేననే హీరోయిన్గా నటిస్తోంది. నవీన్ అనే కొత్త డైరెక్టర్ ఈ సినిమాతో ఇంట్రడ్యూస్ అవుతున్నారు. అభిషేక్ పిక్చర్స్ బ్యానర్పై అభిషేక్ నామా చిత్రాన్ని నిర్మిస్తున్నారు. ప్రస్తుతం మూవీ షూటింగ్ చివరి దశకు చేరుకున్నట్లు తెలిసింది. ఇటీవలే కళ్యాణ్ రామ్ పుట్టిన రోజు సందర్భంగా రిలీజైన డెవిల్ యాక్షన్ గ్లింప్స్ కూడా నందమూరి ఫ్యాన్స్ను ఆకట్టుకుంది. పీరియాడిక్ ఫిల్మ్గా ఈ సినిమా రాబోతుంది. హీందీలో కూడా ఈ చిత్రాన్ని రిలీజ్ చేస్తున్నారు. బీ4యూ మోషన్ పిక్చర్స్ అక్కడ సినిమాను విడుదల చేయనుంది.
ఇదీ చూడండి :
ఎన్టీఆర్-కల్యాణ్ రామ్ కాంబోలో బ్లాక్ బాస్టర్ మూవీ మిస్.. ఇది వచ్చుంటేనా బాక్సాఫీస్ బద్దలే!
ఇంట్రెస్టింగ్గా కల్యాణ్ రామ్ 'డెవిల్' గ్లింప్స్.. 'గూఢ‌చారి అంటే ఇలానే ఉండాలా'
