'నా సామిరంగ': సంక్రాంతి పండక్కి నాగార్జున హవా- ఎన్నిసార్లు హిట్ కొట్టాడంటే? - naa saamiranga review

Nagarjuna Akkineni Sankranthi Movies: టాలీవుడ్ ఎవర్గ్రీన్ మన్మథుడు నాగార్జున సంక్రాంతి ఫైట్లో మరోసారి హిట్ కొట్టారు. ఆదివారం రిలీజైన నా సామిరంగ సినిమా పాజిటివ్ టాక్ సొంతం చేసుకుంది. మరి నాగ్ కెరీర్లో సంక్రాంతిని ఎన్నిసార్లు బరిలో నిలిచి, హిట్ కొట్టారంటే?

Nagarjuna Akkineni Sankranthi Movies

Published : Jan 14, 2024, 5:09 PM IST

Nagarjuna Akkineni Sankranthi Movies: అక్కినేని నాగార్జున 'నా సామిరంగ' సినిమాతో మరోసారి సంక్రాంతి బరిలో నిలిచి బ్లాక్బస్టర్ హిట్ ఖాతాలో వేసుకున్నారు. ఆదివారం జనవరి 14న ప్రేక్షకుల ముందుకు వచ్చిన ఈ మూవీ ఫస్ట్ షో నుంచే పాజిటివ్ టాక్ తెచ్చుకుంది. దీంతో బుకింగ్స్ ఎక్కువవుతున్నట్లు తెలుస్తోంది. అయితే నాగార్జున సినీ కెరీర్లో ఇప్పటివరకు ఆరుసార్లు పొంగల్ ఫైట్లో నిలిచి 100 శాతం సక్సెస్ రేట్ సాధించారు. మరి ఆ సినిమాలేంటో తెలుసుకుందాం

మజ్ను: 1987లో తొలిసారి నాగార్జున 'మజ్ను' సినిమాతో సంక్రాంతి పోటీలో నిలిచారు. సూపర్ గుడ్ లవ్స్టోరీతో తెరెకెక్కిన ఈ సినిమా అప్పట్లో మంచి విజయం సాధించింది. దీంతో పొంగల్ బరిలో దిగిన తొలిసారే విజేతగా నిలిచారు నాగార్జున.

కిల్లర్: యాక్షన్ థ్రిల్లర్ జానర్లో తెరకెక్కిన 'కిల్లర్' 1992 జనవరి 10న రిలీజైంది. హిట్ టాక్ అందుకున్న ఈ మూవీ 100 రోజులు థియేటర్లలో ఆడింది. తర్వాత ఈ సినిమాను తమిళంలోకి కూడా డబ్బింగ్ చేశారు.

ఆవిడ మా ఆవిడే: నాగార్జున- ఈవీవీ సత్యనారాయణ కాంబోలో తెరకెక్కిన 'ఆవిడ మా ఆవిడే' 1998 సంక్రాంతికి రిలీజైంది. అప్పట్లో ఈ సినిమా మిక్స్డ్ టాక్ సొంతం చేసుకున్నా, కలెక్షన్ల పరంగా దూసుకెళ్లి కమర్షియల్ హిట్గా నిలిచింది.

సోగ్గాడే చిన్ని నాయనా: దాదాపు 18 ఏళ్ల తర్వాత 2016లో నాగార్జున పొంగల్ ఫైట్లో దిగారు. అంచనాలు లేకుండా 'సోగ్గాడే చిన్ని నాయనా'తో వచ్చి బంపర్ హిట్ ఖాతాలో వేసుకున్నారు. 2016 సంక్రాంతికి రిలీజైన సినిమాల్లో అత్యధిక లాభాలు పొందిన సినిమాగా నిలిచి రికార్డు కొట్టింది.

" class="align-text-top noRightClick twitterSection" data="">

బంగార్రాజు: 'సోగ్గాడే చిన్ని నాయనా' సినిమాకు సీక్వెల్గా రూపొందిందే 'బంగార్రాజు'. ఈ సినిమాలో అక్కినేని నాగచైతన్య కూడా నటించారు. 2022లో సంక్రాంతి ఫైట్లో నిలిచి ఈ సినిమా కూడా మంచి విజయం సాధించింది.

" class="align-text-top noRightClick twitterSection" data="">

నా సామిరంగ: 2024లో పోటీ ఎక్కువగా ఉన్నప్పటికీ నాగార్జున సంక్రాంతి సెంటిమెంట్ను బలంగా నమ్ముకున్నారు. 'బంగార్రాజు' రిలీజైన జనవరి 14నే 'నా సామిరంగ' ను విడుదల చేశారు. ఈ పోటీలో కూడా ఎలాంటి అంచనాలు లేకుండా సైలెంట్గా హిట్ టాక్ సొంతం చేసుకుందీ మూవీ.