Actor Vijay: ప్రముఖ మలయాళ నటుడు, నిర్మాత విజయ్ బాబుపై కేరళ పోలీసులు కేసు నమోదు చేశారు. ఓ మహిళ విజయ్ తనను లైంగికంగా వేధిస్తున్నాడని ఎర్నాకుళం సౌత్ పోలీస్ స్టేషన్లో ఫిర్యాదు చేసింది. కాగా, బాధితురాలు చేసిన ఫిర్యాదుపై పోలీసులు విజయ్బాబును ఇంకా ప్రశ్నించలేదు. అయితే ఈ ఆరోపణలను నటుడు విజయ్ ఖండించారు. తాను ఎలాంటి తప్పు చేయలేదని చెప్పారు. "నేను ఎటువంటి తప్పు చేయనప్పుడు భయపడను. ఇక్కడ నేను బాధితుడిని. నాపై తప్పుడు ఆరోపణలు చేసిన మహిళ 2018 నుంచి నాకు తెలుసు" అని విజయ్ అన్నారు.
కొజికోడ్కు చెందిన ఓ మహిళ విజయ్బాబు తనపై లైంగిక దాడికి పాల్పడ్డాడని ఫిర్యాదు చేసింది. సినిమాల్లో అవకాశాలు ఇప్పిస్తానని తనను నమ్మించాడని.. ఈ నెపంతోనే తనపై అఘాయిత్యానికి పాల్పడ్డాడని ఫిర్యాదులో తెలిపింది. కొచ్చిలోని ఓ ఫ్లాట్‌లో విజయ్.. అనేక సార్లు తనను వేధింపులకు గురి చేశాడని ఆమె పేర్కొంది. అయితే ఈ కేసుపై పోలీసులు ఎలాంటి విచారణ చేపట్టలేదు. విజయ్బాబు ప్రముఖ సినిమా నిర్మాణ సంస్థ 'ఫ్రైడే ఫిల్మ్ హౌస్'ను స్థాపించాడు. 'ఫిలిప్స్ అండ్ ది మంకీ పెన్' అనే చిత్రానికి ఉత్తమ పిల్లల చిత్రంగా కేరళ రాష్ట్ర చలనచిత్ర అవార్డును అందుకున్నాడు.
ఇదీ చదవండి: Acharya First review: మెగాఫ్యాన్స్కు పూనకాలే.. ఫుల్ మాస్ మసాలా!
