KGF 2 400 crores in Hindi: ప్రశాంత్ నీల్ దర్శకత్వంలో కన్నడ రాకింగ్ స్టార్ యశ్ నటించిన చిత్రం 'కేజీయఫ్‌-2'. ఈ సినిమా సాధించిన విజయంతో యశ్ పాన్ ఇండియా స్టార్ అయిపోయాడు. రాఖీభాయ్‌గా స్టైల్‌, యాక్షన్‌తో అద్భుతంగా డైలాగ్స్‌ చెప్పి సినీప్రియులను ఎంతగానో ఆకట్టుకున్నాడు. ఏప్రిల్ 14న విడుదలైన ఈ మూవీ తొలి రోజు నుంచే సూపర్హిట్ టాక్తో దూసుకెళ్తూ ఇంకా బాక్సాఫీస్ వద్ద వసూళ్ల సునామీ సృష్టిస్తూనే ఉంది. బాలీవుడ్లో అయితే హిందీ సినిమాలకు కూడా సాధ్యం కాని.. వసూళ్లను రాబడుతోంది. తాజాగా రూ.400 కోట్ల వసూళ్లు సాధించి రికార్డు సృష్టించింది. హిందీ వెర్షన్లో శుక్రవారం రూ.3.85 కోట్లు వసూలు చేసిన ఈ చిత్రం మొత్తంగా.. రూ.401.80 కోట్లను వెనకేసుకుంది.
Sandeep Kishan pan India: విజయ్ సేతుపతితో కలిసి సందీప్ కిషన్ ఓ పాన్ఇండియా చిత్రంలో నటిస్తున్నారు. ఈ చిత్రానికి మైఖెల్ అనే పేరును ఖరారు చేశారు. సందీప్ కిషన్ పుట్టినరోజు సందర్భంగా ఈ సినిమా ఫస్ట్ లుక్ పోస్టర్ను రిలీజ్ చేశారు. గౌతమ్ వాసుదేవ్ మీనన్ సైతం ఈ సినిమాలో కీ రోల్ చేయనున్నారు. రంజిత్ జెయకోడి దర్శకత్వం వహిస్తున్న ఈ చిత్రాన్ని.. భరత్ చౌదరి, పుస్కుర్ రామ్ మోహన్ రావు నిర్మిస్తున్నారు. తెలుగు, తమిళం, హిందీ, కన్నడ, మలయాళ భాషల్లో ఈ సినిమా విడుదల కానుంది.
Dr Strange 1st day collection: మార్వెల్ నుంచి వచ్చిన 'డాక్టర్ స్ట్రేంజ్ మల్టీవర్స్ ఆఫ్ మ్యాడ్నెస్' చిత్రం ఇండియాలో దూసుకెళ్తోంది. అవేంజర్స్ ఎండ్గేమ్, స్పైడర్ మ్యాన్, అవేంజర్స్ ఇన్ఫినిటీ వార్ చిత్రాల తర్వాత ఇండియాలో తొలిరోజు అత్యధిక వసూళ్లు సాధించిన సినిమాగా రికార్డు కెక్కింది. డాక్టర్ స్ట్రేంజ్కు ఇండియాలో విడుదలైన అన్ని వెర్షన్లలో కలిపి రూ.27.50కోట్ల ఓపెనింగ్స్ వచ్చాయని సినీ విశ్లేషకుడు తరణ్ ఆదర్శ్ ట్వీట్ చేశారు.
అలాగే ఏఐ ఆనంద్ దర్శకత్వంలో సందీప్ చేస్తున్న సినిమా పేరును ప్రకటించింది చిత్ర బృందం. ఈ సినిమాకు 'ఊరి పేరు బైరవకోన' అనే టైటిల్ను ఖరారు చేశారు.
ఇదీ చదవండి:
