'జిగర్​తండ'కు ఇంటర్నేషనల్ క్రేజ్- హాలీవుడ్ స్టార్ రెస్పాన్స్ ఏంటంటే?

Jigarthanda Double x Clint Eastwood : తమిళ స్టార్ డైరెక్టర్ కార్తిక్ సుబ్బరాజ్ తెరకెక్కించిన జిగర్​తండ డబుల్ ఎక్స్​ మూవీకి ఇంటర్నేషనల్ లెవెల్​లో రెస్పాన్స్ వస్తోంది. హాలీవుడ్ స్టార్ యాక్టర్ కం డైరెక్టర్ క్లింట్ ఈస్ట్​వుడ్ ఈ సినిమా చూస్తానంటూ ట్విట్టర్​లో పేర్కొన్నారు.

Jigarthanda Double x Clint Eastwood : కోలీవుడ్ స్టార్ డైరెక్టర్ కార్తిక్ సుబ్బరాజ్ తాజాగా తెరకెక్కించిన 'జిగర్​తండ డబుల్ ఎక్స్' (Jigarthanda Double X) దీపావళీకి రిలీజై మంచి విజయం సాధించింది. కార్తిక్ మేకింగ్ స్కిల్స్, సినిమాటోగ్రఫీ మూవీని మరో లెవెల్​కు తీసుకెళ్లాయి. అయితే దర్శకుడు కార్తిక్, హాలీవుడ్ డైరెక్టర్, నటుడు క్లింట్ ఈస్ట్​వుడ్​కు వీరాభిమాని. దీంతో సినిమాలో కొన్ని సీన్స్ ఆయనకు ట్రిబ్యూట్ ఇచ్చేలా పెట్టాడట. ​

అయితే సినిమా చూసిన ఓ నెటిజన్​ ట్విట్టర్​లో క్లింట్​ను ట్యాగ్ చేస్తూ 'డియర్ క్లింట్ ఈస్ట్​వుడ్, భారతీయులమైన మేము జిగర్​తండ అనే తమిళ సినిమా రూపొందించాం. ప్రస్తుతం ఈ మూవీ నెట్​ఫ్లిక్స్​లో స్ట్రీమింగ్ అవుతోంది. ఈ సినిమాలో మేము కొన్ని సీన్స్​ను మీకు ట్రిబ్యూట్ ఇచ్చాము. అలాగే మీ యంగ్​ ఏజ్​ను గుర్తుచేసేలా కొన్ని యానిమేటెడ్ సీన్స్ జోడించాము. ప్లీజ్ మీకు టైమ్ దొరికినప్పుడు చూడండి' అని రాసుకొచ్చాడు. ఇక ఈ ట్వీట్ క్లింట్​ దాకా చేరుకోవడం వల్ల దీనికి పాజిటివ్ రిప్లై వచ్చింది.

'హాయ్, క్లింట్​కు జిగర్​తండ డబుల్ ఎక్స్​ సినిమా గురించి తెలుసు. ఆయన ప్రస్తుతం జ్యురర్ -2 మూవీ షూటింగ్​లో బిజీగా ఉన్నారు. ఈ సినిమా చిత్రీకరణ నుంచి ఫ్రీ అయ్యాక ఆయన తప్పకుండా సినిమా చూస్తారు. థాంక్యూ' అని క్లింట్ టీమ్ నుంచి రిప్లై వచ్చింది. ఆస్కార్ విన్నర్, తన ఫెవరెట్ నటుడు క్లింట్ టీమ్ నుంచి రిప్లై రావడం పట్ల కార్తిక్ సుబ్బరాజ్, నటుడు రాఘవ లారెన్స్​ సంతోషం వ్యక్త పరిచారు.

• Hi. Clint is aware of this Movie and he states he will get to it upon Completion of his New Film. Juror 2. Thank You. https://t.co/4UpiIOSzdj

  — Clint Eastwood Official (@RealTheClint) December 13, 2023 " class="align-text-top noRightClick twitterSection" data="

  Hi. Clint is aware of this Movie and he states he will get to it upon Completion of his New Film. Juror 2. Thank You. https://t.co/4UpiIOSzdj

  — Clint Eastwood Official (@RealTheClint) December 13, 2023

  ">

  Hi. Clint is aware of this Movie and he states he will get to it upon Completion of his New Film. Juror 2. Thank You. https://t.co/4UpiIOSzdj

  — Clint Eastwood Official (@RealTheClint) December 13, 2023

'వావ్, నమ్మలేకపోతున్నాను! లెజెండ్ క్లింట్ ఈస్ట్​వుడ్ త్వరలో జిగర్​తండ సినిమా చూడబోతున్నారు. ఈ మూవీ కోట్లాది మంది భారతీయుల తరఫున క్లింట్​కు అంకితం. ఈ సినిమాను క్లింట్ దాకా తీసుకెళ్లిన ఫ్యాన్స్​కు కూడా థాంక్స్​' అని కార్తిక్ ట్విట్ చేశాడు. మరోవైపు 'థాంక్స్​ యు సర్, సినిమా మీ వరకూ వచ్చినందుకు సంతోషం. నేను, యస్​ జే సూర్య మీకు ఫ్యాన్స్. మా డైరెక్టర్ మీ వీరాభిమాని' అని లారెన్స్ అన్నాడు.

హాలీవుడ్ నటుడు కం డైరెక్టర్ క్లింట్ ఈస్ట్​వుడ్

ఈ సినిమాలో సీనియర్ నటుడు ఎస్​ జే సూర్య, రాఘవ లారెన్స్ లీడ్ రోల్స్​లో నటించారు. నవీన్ చంద్ర, నిమిషా, సత్యన్, అరవింద్ ఆకాశ్ తదితరులు ఇతర పాత్రల్లో నటించారు. ఇక ఈ సినిమాను స్టోన్ బెంచ్ ఫిల్మ్స్​, ఫైవ్ స్టార్ క్రియేషన్స్ బ్యానర్స్​పై నిర్మాతలు కార్తికేయన్, కాథిరిసన్ సంయుక్తంగా రూపొందించారు.

• " class="align-text-top noRightClick twitterSection" data="">