అల్లుఅర్జున్-హరీశ్​శంకర్​ కాంబో ఫిక్స్​.. 'పుష్ప 2' కన్నా ముందే.. కానీ..

Alluarjun Harishshankar: 'పుష్ప 2' సెట్స్​పైకి వెళ్లడానికి ఆలస్యం కానుండటం వల్ల ఐకాన్​ స్టార్​ అల్లుఅర్జున్​.. దర్శకుడు హరీశ్​శంకర్​తో సినిమా చేయబోతున్నారని కొద్ది కాలంగా ప్రచారం సాగుతోంది. అయితే ఇప్పుడీ కాంబో ఖరారైంది. వీరిద్దరి కలిసి మళ్లీ పనిచేస్తున్నారు.

Alluarjun Harishshankar: అల్లుఅర్జున్​-హరీశ్​ శంకర్​.. ఈ కాంబోకు స్పెషల్ క్రేజ్​ ఉంది. గతంలో వీరిద్దరి కాంబినేషన్​లో వచ్చిన 'డీజే'(దువ్వాడ జగన్నాథమ్​) మిశ్రమ స్పందనను అందుకున్నప్పటికీ.. ఫ్యాన్స్​ను మాత్రం బాగా ఆకట్టుకుంది. ముఖ్యంగా బన్నీ స్టైల్​, సాంగ్స్​, స్టెప్పులు అభిమానులను చేత ఈలలు వేయించింది. దీంతో వీరిద్దరి కలయికలో మరో సినిమా తెరకెక్కితే ఫుల్​మీల్స్​ ఆస్వాదిద్దామని ఎంతో కాలంగా అభిమానులు ఎదురుచూస్తున్నారు.

అయితే బన్నీ ప్రస్తుతం 'పుష్ప 2' కోసం సన్నద్ధం అవుతున్నాడు. కానీ ఈ చిత్రం సెట్స్​పైకి వెళ్లడానికి ఆలస్యం అయ్యేలా ఉంది. దీంతో ఆయన.. కొత్త కథలను వినే పనిలో పడ్డారని కొంతకాలంగా వార్తలు వస్తున్నాయి. ఇందులో భాగంగానే ఆయన హరీశ్​శంకర్​తో ఓ సినిమా చేయబోతున్నారని ఈ మధ్య కాలంలో ప్రచారం సాగింది. అంతలోనే కొన్ని కారణాల వల్ల మళ్లీ ఆ కాంబో సెట్​ కాలేదని కథనాలు వచ్చాయి. అయితే ఎట్టకేలకు ఇప్పుడీ కలయికే​ ఓకే అయినట్లు తెలిసింది. వీరిద్దరూ కలిసి మళ్లీ పనిచేసేందుకు సిద్ధమయ్యారు. కానీ ఈ సారి సినిమా కోసం కాదు. ఓ యాడ్​ కోసం కలిసి పనిచేయనున్నారు. ఈ యాడ్​ ఫిలిం షూటింగ్​ కోసం అల్లుఅర్జున్​ను హరీశ్​శంకర్​ కలిశారు. ప్రస్తుతం దీనికి సంబంధించిన ఫొటోలు సోషల్​మీడియాలో ట్రెండ్ అయ్యాయి. దీనిపై అభిమానులు హర్షం వ్యక్తం చేస్తున్నారు. త్వరలోనే ఓ అదిరిపోయే సినిమాను తెరకెక్కించాలని కోరుతున్నారు.

• Icon Staar @alluarjun & Powerful Director @harish2you join hands for an AD Shoot #AlluArjun #HarishShankar pic.twitter.com/NBoHPHgnpG

  — Vamsi Kaka (@vamsikaka) July 14, 2022 " class="align-text-top noRightClick twitterSection" data="

  Icon Staar @alluarjun & Powerful Director @harish2you join hands for an AD Shoot #AlluArjun #HarishShankar pic.twitter.com/NBoHPHgnpG

  — Vamsi Kaka (@vamsikaka) July 14, 2022

  ">

  Icon Staar @alluarjun & Powerful Director @harish2you join hands for an AD Shoot #AlluArjun #HarishShankar pic.twitter.com/NBoHPHgnpG

  — Vamsi Kaka (@vamsikaka) July 14, 2022

కాగా, 'పుష్ప 2' షూటింగ్​ ప్రారంభంపై ఇంకా క్లారిటీ లేదు. 'పుష్ప' తొలి భాగంగా అదిరిపోయే విజయం సాధించడం వల్ల రెండో భాగాన్ని అంతకుమించి రూపొందించేలా దర్శకుడు సుకుమార్​ కథను తయారు చేస్తున్నారు. దాదాపు నాలుగు వంద‌ల కోట్ల బ‌డ్జెట్‌తో సీక్వెల్‌ను రూపొందించ‌బోతున్నారు. మ‌రోవైపు ప‌వ‌న్ క‌ళ్యాణ్‌తో 'భ‌వ‌దీయుడు భ‌గ‌త్‌సింగ్' సినిమాను తెర‌కెక్కించబోతున్నట్లు చాలా కాలం క్రితమే పోస్టర్లను విడుదల చేశారు దర్శకుడు హరీశ్​శంకర్​. కానీ పవన్ బిజీ షెడ్యూల్​ కారణంగా ఈ ప్రాజెక్ట్​ ఇంకా సెట్స్​పైకి వెళ్లలేదు. త్వరలోనే రెగ్యుల‌ర్ షూటింగ్​ ప్రారంభించేందుకు సన్నాహాలు చేస్తున్నారని ఈ మధ్య సోషల్​మీడియాలో వార్తలు వస్తున్నాయి.

ఇదీ చూడండి: 'ఒకప్పుడు హీరోయిన్లకు ఆ కొలతలు చూసేవారు!'