Allu Arjun Race Gurram Movie Rerelease: ప్రస్తుతం తెలుగు చిత్రసీమలో రీరిలీజ్ ట్రెండ్ నడుస్తోంది. తమ అభిమాన హీరల పాత చిత్రాలను మరోసారి వెండితెరపై చూసి ఫ్యాన్స్ తెగ సంబరిపడిపోతున్నారు. అయితే నాటి హిట్ చిత్రాలు సృష్టించిన ప్రభంజనం గురించి విని, ఆ అనుభూతి పొందాలనే నేటి యువత ఆసక్తే 'రీ రిలీజ్‌'కు కారణంగా నిలుస్తోంది. ఏదైనా సినిమాను టీవీలోనో, ఓటీటీలోనో చూసి 'అరే.. ఈ చిత్రం ఇంత బాగుంది. నా బాల్యంలో విడుదలవటంతో నేను దీన్ని థియేటర్లలో చూడలేకపోయా. వెండితెరపై చూస్తే ఆ మజానే వేరు' అనే ఫీలింగ్‌ పాత సినిమాలను మళ్లీ కొత్తగా మార్చేలా చేస్తోంది. ఇదొక టైమ్‌ ట్రావెల్‌ లాంటిదని సినీ విశ్లేషకులు అభివర్ణిస్తున్నారు.
ఇటీవలే రీరిలీజ్ అయిన టాలీవుడ్ సినిమాలు 'చెన్నకేశవ రెడ్డి', 'వర్షం', 'బాద్షా', 'పోకిరి' అద్భుతమైన వసూళ్లను అందుకున్నాయి. 'పుష్ప' సినిమాతో పాన్ ఇండియా స్టార్గా మారిపోయిన ఐకాన్స్టార్ అల్లుఅర్జున్ హీరోగా తెరకెక్కిన బ్లాక్బస్టర్ మూవీ 'రేసు గుర్రం' మళ్లీ థియేటర్లలో విడుదల చేయడానికి మేకర్స్ ప్లాన్ చేస్తున్నారట. త్వరలో ఈ చిత్రం రీరిలీజ్ కానుందని సమాచారం. ఈ విషయం తెలుసుకున్న బన్నీ ఫ్యాన్స్ ఎంతగానో ఎదురుచూస్తున్నట్లు తమ అభిప్రాయాలను నెట్టింట వ్యక్తం చేస్తున్నారు.
ప్రస్తుతం బన్నీ 'పుష్ప 2' షూటింగ్లో బిజీబిజీగా గడుపుతున్నారు. 'పుష్ప' సీక్వెల్గా తెరకెక్కుతోన్న ఈ చిత్రంపై భారీ అంచనాలే ఉన్నాయి. అందుకు అనుగుణంగా దర్శకుడు సుకుమార్ కూడా మూవీని భారీస్థాయిలో చిత్రీకరిస్తున్నారు. 'పుష్ప'తో నేషనల్ క్రష్గా మారిపోయిన రష్మికనే ఈ సినిమాలోనూ హీరోయిన్గా నటిస్తున్నారు. ఇప్పటికే ఈ సినిమాకు సంబంధించి నెట్టింట అనేక వార్తలు చక్కర్లు కొడుతుండగా.. అప్డేట్ ఇవ్వాలని ఫ్యాన్స్ గీతా ఆర్ట్స్ ఆఫీస్ ముందుకు ఆందోళన కూడా చేపట్టారు.
