చాలా కాలంగా సరైన హిట్ కోసం ఎంతగానో ఎదురుచూస్తున్న అక్కినేని అఖిల్ ఇప్పుడు 'ఏజెంట్'గా ఆడియెన్స్ ముందుకు రాబోతున్నారు. ఆయన హీరోగా తెరకెక్కుతున్న కొత్త చిత్రమే 'ఏజెంట్'. ఇప్పటికే ఈ మూవీ నుంచి విడుదలైన పోస్టర్స్, టీజర్‌ సినిమాపై అంచనాలు పెంచాయి. టాలీవుడ్ స్టైలిష్ డైరెక్టర్ సురేందర్ రెడ్డి ఈ సినిమాని డైరెక్ట్ చేయగా.. స్టార్ రైటర్ వక్కంతం వంశీ ఈ మూవీకి కథను అందించారు. గతంలో ఈ డైరెక్టర్ అండ్ రైటర్ కాంబోలో వచ్చిన సినిమాలు సూపర్ హిట్గా నిలిచాయి. దీంతో ఏజెంట్ సినిమాపై అటు అక్కినేని అభిమానుల్లో ఇటు ఆడియన్స్లో మంచి అంచనాలు ఏర్పడ్డాయి. ఏప్రిల్ 28న పాన్ ఇండియా స్థాయిలో తెలుగు, హిందీ, తమిళం, కన్నడ, మలయాళ భాషల్లో ఒకేసారి విడుదల కానుంది. ఈ సందర్భంగా చిత్ర బృందం ప్రచారాన్ని వేగవంతం చేసింది. ఇందులో భాగంగా స్పై థ్రిల్లర్‌ కథాంశంతో రూపొందుతున్న ఈ సినిమాకు సంబంధించి తాజాగా ట్రైలర్ను రిలీజ్ చేశారు మేకర్స్. గ్రాండ్గా ట్రైలర్ లాంఛ్ ఈవెంట్ను నిర్వహించి ఈ ప్రచార చిత్రాన్ని విడుదల చేశారు.
ఈ ట్రైలర్లో యాక్షన్ సీన్స్ గూస్ బంప్స్ తెప్పించేలా ఉన్నాయి. బ్యాక్ గ్రౌండ్ మ్యూజిక్ కూడా బాగానే ఉంది. లవర్ బాయ్ అఖిల్ మాత్రం ఫుల్ వైలంట్గా కనిపించారు. తనలోని పూర్తి యాక్షన్ లుక్ను బయటకు తీశారు. మొత్తంగా అఖిల్ అల్ట్రా స్టైలిష్ లుక్స్, ఆయన చెప్పిన డైలాగ్స్.. అక్కినేని అభిమానుల్లో ఫుల్ జోష్‌ నింపేలా ఉన్నాయి. 'నువ్వు ఏజెంట్ ఎందుకు అవ్వాలనుకుంటున్నావ్.. అని అఖిల్‌ను అడుగుతున్న సంభాషణలతో ప్రారంభమైంది ఈ ట్రైలర్. 'సింహం బోనులోకి వెళ్లి తిరిగొచ్చేది కోతి మాత్రమే' అని మమ్ముట్టి చెప్పడం.. చేతిలో కత్తి, గన్ పట్టుకుని విలన్స్పై విరుచుకుపడుతూ.. యాక్షన్, ఎమోషన్స్తో ప్రతి నిమిషం గూస్ బంప్సే కదా జీ అంటూ అఖిల్ డైలాగ్ చెప్పడం.. ఇలా స్టన్నింగ్, యాక్షన్, థ్రిల్లింగ్ ఎలిమెంట్స్తో ప్రచార చిత్రం సాగింది.
ఇక ఈ సినిమాలో సాక్షి వైద్య హీరోయిన్గా నటించింది. తెలుగులో ఆమెకు ఇదే ఫస్ట్ మూవీ. మలయాళ మెగాస్టార్ మమ్ముట్టి ముఖ్య పాత్ర పోషించారు. ఈ సినిమాతో సురేందర్ రెడ్డి నిర్మాతగా మారారు. అనిల్ సుంకరకు చెందిన ఏకే ఎంట‌ర్‌టైన్‌మెంట్స్‌, సురేందర్ రెడ్డికి సంబంధించిన స‌రెందర్ 2 సినిమా బ్యానర్లపై రామబ్రహ్మం సుంకర చిత్రాన్ని నిర్మించారు. ఇక లవర్ బాయ్గా ఉన్న అఖిల్.. కొత్త హెయిర్ స్టైల్, సిక్స్ ప్యాక్ బాడీతో పూర్తిగా వైల్డ్ లుక్‌లోకి ట్రాన్స్ఫార్మేషన్ అయిపోయి ఫ్యాన్స్ను ఆకట్టుకున్నాడు.
- " class="align-text-top noRightClick twitterSection" data="">
ఇదీ చూడండి: 'వినోదయం సీతం'.. ఆ ప్రయోగం చేస్తారా?
