పాకిస్థాన్లో అడివిశేష్ 'మేజర్' రికార్డు.. ఆ జాబితాలో అగ్రస్థానం

Major movie record: యువ హీరో అడివిశేష్ నటించిన 'మేజర్' సినిమా ఇటీవలే విడుదలై ప్రశంసలను అందుకోవడంతో పాటు బాక్సాఫీస్ ముందు మంచి వసూళ్లను సాధించింది. అయితే ఇప్పుడీ చిత్రం పాకిస్థాన్లో ఓ రికార్డు సృష్టించింది. అదేంటంటే..

పాకిస్థాన్లో అడివిశేష్ 'మేజర్' రికార్డు

Published : Jul 8, 2022, 12:29 PM IST

Major OTT Record: వార్‌.. ఎటాక్‌.. యాక్షన్‌.. రొమాన్స్‌... ఫ్యామిలీ... ఇలా అన్ని ఎమోషన్స్‌ను చూపిస్తూ.. అడివి శేష్‌ హీరోగా నటించిన తొలి పాన్‌ ఇండియా చిత్రం 'మేజర్'. 26/11 ముంబయి ఉగ్రదాడుల్లో వీరమరణం పొందిన మేజర్‌ సందీప్‌ ఉన్నికృష్ణన్‌ జీవితాధారంగా రూపొందింది. శశి కిరణ్‌ తిక్కా దర్శకుడు. ఫీల్గుడ్ ఎమోషనల్ ఎంటర్టైనర్గా సూపర్హిట్ టాక్ను సొంతం చేసుకున్న ఈ చిత్రం ఇప్పుడు డిజిటల్ ప్లాట్ఫామ్లోనూ అదరగొడుతోంది.

ఓటీటీలో జులై 3న రిలీజ్ అయిన ఈ మూవీ ఇండియాలో నెట్ఫ్లిక్స్ ట్రెండింగ్ టాప్ 1,2 స్థానాల్లో కొనసాగుతోంది. అయితే ఈ మూవీ ఇండియాలోనే కాకుండా పాకిస్థాన్,బంగ్లాందేశ్, శ్రీలంకలోనూ చరిత్ర సృష్టిస్తోంది. అక్కడ కూడా నెట్ఫ్లిక్స్లో అత్యధికంగా వీక్షించిన సినిమాలో మొదటి స్థానంలో నిలిచింది. ఈ విషయాన్ని హీరో అడివి శేష్ సోషల్మీడియా ట్వీట్ చేశారు. కాగా, ఈ చిత్రాన్ని మహేశ్బాబు జీఎంబీ ఎంటర్‌టైన్‌మెంట్‌, ఏ ప్లస్‌ ఎస్‌ మూవీస్‌, సోనీ పిక్చర్స్‌ ఫిల్మ్స్‌ సంస్థలు సంయుక్తంగా నిర్మించాయి. ఈ మూవీలో శోభిత ధూళిపాళ, సయీ మంజ్రేకర్‌, ప్రకాష్‌ రాజ్‌, రేవతి, మురళి శర్మ తదితరులు కీలక పాత్రలు పోషించారు.