విషాదం.. సెల్ఫీ తీసుకుంటుండగా యువకుడు మృతి

చెరువుల వద్ద నిర్లక్ష్యంగా ఉంటే ప్రాణాపాయం తప్పదనే విషయం మరోసారి రుజువైంది. సరదా కోసం వాగు వద్ద సెల్ఫీ తీసుకుంటున్న యువకుడు ప్రమాదవశాత్తు నీళ్లలో మునిగి మృతి చెందాడు. వరంగల్​ గ్రామీణ జిల్లా వరికోల్​లో ఈ విషాదం చోటుచేసుకుంది.

సెల్ఫీ పిచ్చి ఓ యువకుడి నిండు ప్రాణాన్ని బలి తీసుకుంది. వరంగల్ గ్రామీణ జిల్లా నడికూడ మండలం వరికోల్ గ్రామానికి చెందిన వినయ్(22)​.. కంటాత్మకూర్ వాగు వద్ద సెల్ఫీ తీసుకుంటూ ప్రమాదవశాత్తు నీళ్లలో పడ్డాడు. తలకు తీవ్ర గాయాలై నీటిలో మునిగి ప్రాణాలు కోల్పోయాడు.

అందరూ కలిసి షాపింగ్​కు వెళ్లి వస్తుండగా ఈ ప్రమాదం జరిగిందని వినయ్ కుటుంబసభ్యులు తెలిపారు. అంతసేపు తమతో సరదాగా గడిపిన కుమారుడు మృతి చెందడంతో.. తల్లిదండ్రులు కన్నీరు మున్నీరుగా విలపించారు. వినయ్ మృతితో గ్రామంలో విషాదఛాయలు అలముకున్నాయి.

ఇదీ చదవండి: చోరీలు, అత్యాచారాలకు పాల్పడుతోన్న వ్యక్తి అరెస్ట్‌: సీపీ