అత్యాచారాన్ని అడ్డుకున్న భర్తపైనే దాడికి తెగబడ్డాడు ఓ కామాంధుడు. భార్యపై జరుగుతున్న దారుణాన్ని ఆపేందుకు యత్నించిన భర్త వేలి కొరికి పరారయ్యాడు. ఈ దాడిలో అతని వేలు పూర్తిగా తెగిపడింది. వరంగల్ జిల్లా రాయపర్తి మండలం కొండాపూర్లో ఈ సంఘటన జరిగింది.
వీఆర్ఏ వీరంగం..
కొండాపూర్ గ్రామానికి చెందిన శ్రీనివాస్ గ్రామశివారులో బిర్యానీ హోటల్ పెట్టుకుని జీవనం సాగిస్తున్నారు. అదే గ్రామంలో వీఆర్ఏగా పనిచేస్తున్న అశోక్ హోటల్కు వెళ్లి శ్రీనివాస్ భార్యను పొలాల్లోకి లాక్కెళ్లి అత్యాచారానికి యత్నించాడు. ఆమె కేకలు విన్న భర్త శ్రీనివాస్ అశోక్ను అడ్డుకునే క్రమంలో ఇద్దరి మధ్య తీవ్ర గొడవ జరిగింది. అదే క్రమంలో శ్రీనివాస్ చేతివేలు తెగిపడేలా కొరికి అశోక్ పరారయ్యాడు. బాధితుడు తీవ్ర రక్తస్రావంతో రాయపర్తి పోలీసులను ఆశ్రయించాడు. వీఆర్ఏపై కఠిన చర్యలు తీసుకోవాలని పోలీసులను వేడుకున్నారు. బాధితుని ఫిర్యాదుతో కేసు నమోదు చేసుకున్న పోలీసులు దర్యాప్తు చేస్తున్నారు
కొండాపూర్ గ్రామ శివారులో బిర్యానీ హోటల్ నడుపుతున్నా. నిన్న రాత్రి 9 గంటల సమయంలో అశోక్ అనే వ్యక్తి మా హోటల్కు వచ్చి నా భార్యను పొలాల్లోకి లాక్కొనిపోవడం జరిగింది. మద్యం మత్తులో నా భార్యపై అసభ్యంగా ప్రవర్తించాడు. నేను అతని గళ్ల పట్టుకోగా నా వేలిని పూర్తిగా కొరికేశాడు. ఇలాంటివి పునరావృతం కాకుండా పోలీసులు అతన్ని జైల్లో పెట్టాలి. - శ్రీనివాస్, బాధితుడు
ఇదీ చూడండి:
