గంజాయి మత్తులో ఇద్దరు యువకులు పరస్పరం దాడి

ఇద్దరు యువకులు గంజాయి మత్తులో ఒకరిపై ఒకరు బండరాళ్లతో దాడి చేసుకున్నారు. తీవ్రగాయాలపాలైన వారిని పోలీసులు ఆస్పత్రికి తరలించారు. ఈ ఘటన చిక్కడపల్లి పోలీసుస్టేషన్​ పరిధిలో చోటు చేసుకుంది.

ముషీరాబాద్​ మెయిన్​రోడ్​లో గంజాయి మత్తులో ఇద్దరు యువకులు వాగ్వాదానికి దిగారు. ఇద్దరి మధ్య మాటామాటా పెరిగి... బండరాళ్లతో ఒకరిపై ఒకరు దాడి చేసుకున్నారు. ఈ ఘటనలో ఇరువురికి తీవ్రగాయాలయ్యాయి.

స్థానికుల నుంచి సమాచారం అందుకున్న పోలీసులు ఘటనాస్థలానికి చేరుకున్నారు. గాయాలపాలైన యువకులను ఆస్పత్రికి తరలించారు. యువకుల గురించి దర్యాప్తు చేస్తున్నట్లు చిక్కడపల్లి పోలీసులు తెలిపారు.

ఇదీ చూడండి: వాహనాలను ఢీ కొట్టిన రైలు- ఐదుగురు మృతి