ఏటీఎంకు డబ్బులు డ్రా చేసేందుకు వెళ్లిన సాఫ్ట్‌వేర్‌ ఇంజినీర్‌పై దుండగులు దాడి చేయగా.. కోలుకోలేక ఈనెల 1న అతను మృతి చెందాడు. ఈ ఘటన హైదరాబాద్ ఆసిఫ్ నగర్ పోలీస్ స్టేషన్ పరిధిలో చోటు చేసుకుంది. ఏప్రిల్‌ 21న మెహదీపట్నంలోని ఐసీఐసీఐ ఏటీఎం వద్దకు వెళ్లిన రమేశ్‌ కుమార్‌పై ముగ్గురు ఆగంతుకులు దాడికి పాల్పడ్డారు.
అతని వద్ద నుంచి డబ్బులు, పర్సు, రెండు బంగారు ఉంగరాలు, సెల్‌ఫోన్ లాక్కెళ్లారని మృతుని భార్య ఫిర్యాదు చేసినట్లు పోలీసులు తెలిపారు. సీసీ కెమెరాల ఆధారంగా వివిధ కోణాల్లో దర్యాప్తు చేస్తున్నామని పేర్కొన్నారు. దర్యాప్తు అనంతరం వాస్తవాలు తెలిసే అవకాశం ఉంది.
