ఆంధ్రప్రదేశ్లోని విశాఖ మన్యం నుంచి బిహార్కు అక్రమంగా తరలిస్తున్న గంజాయిని విజయనగరం జిల్లా పార్వతీపురం పోలీసులు పట్టుకున్నారు. ఇద్దరిని అరెస్ట్ చేసి వారి వద్ద నుంచి భారీ మొత్తంలో గంజాయిని స్వాధీనం చేసుకున్నారు.
అక్రమంగా గంజాయిని తరలిస్తున్నారన్న సమాచారంతో ఏవోబీలోని గోచెక్క గ్రామ సమీపంలో రికవరీ వ్యాన్ను పోలీసులు తనిఖీ చేశారు. వ్యాను వెనుక భాగంగా రహస్య అరలను ఏర్పాటు చేసి బిహార్కు తరలిస్తున్న 800 కేజీల గంజాయిని స్వాధీనం చేసుకున్నారు. ఆ మత్తు పదాపదార్థాల విలువ సుమారు 2 కోట్ల వరకు ఉంటుందని సీఐ లక్ష్మణ్ రావు స్పష్టం చేశారు. ఇద్దరు నిందితులను అదుపులోకి తీసుకుని వారిపై కేసు నమోదు చేశామని తెలిపారు.
