మరో కొత్త తరహా సైబర్ మోసం హైదరాబాద్లో వెలుగు చూసింది. లక్ష చెల్లిస్తే రూ.1.2 లక్షలు యాప్లో రీఛార్జ్ చేస్తామని... అవి విదేశాల్లోనూ వినియోగించుకోవచ్చంటూ అమాయకుల్ని నమ్మించి సైబర్ నేరగాళ్లు సరికొత్తగా మోసం చేస్తున్నారు. చిక్కడపల్లికి చెందిన బాధితుడు హైదరాబాద్ సైబర్ క్రైమ్ పోలీసులకు ఫిర్యాదు చేయటం వల్ల ఈ విషయం వెలుగు చూసింది.
బాధితుడు ఫ్రీ పే... ఫ్రీ రీఛార్జ్ పేరిట సామాజిక మాధ్యమాల్లో చక్కర్లు కొడుతున్న ప్రకటన చూశాడు. గాజులరామారంలో ప్రియాంక టెక్నాలజీస్ అనే సంస్థ ఫ్రీ పే... ఫ్రీ రీఛార్జ్ పేరిట ఓ యాప్ను తీసుకొచ్చింది. లక్ష చెల్లిస్తే సభ్యత్వమిస్తారు. తర్వాత ఈ యాప్ను డౌన్లోడ్ చేసుకోవాలి. అప్పుడు కంపెనీ యాప్ ఖాతాలో 1.20 లక్షలు జమ చేస్తుంది. ఆ మొత్తాన్ని నెలలోపే ఖర్చు చేయాల్సి ఉంటుందని బ్రోచర్లో పేర్కొన్నాడు.
ఆ ప్రచారం విని బాధితుడు సభ్యత్వం తీసుకున్నాడు. యాప్ డౌన్లోడ్ చేసుకున్నాడు. కానీ... ఎంతకూ రీఛార్జ్ కాలేదు. బ్రోచర్లో పేర్కొన్న చిరునామాకు వెళ్లి చూస్తే అక్కడ కంపెనీ లేదు. మోసపోయానని గ్రహించిన బాధితుడు పోలీసులను ఆశ్రయించాడు. కేసు నమోదు చేసుకున్న పోలీసులు దర్యాప్తు చేస్తున్నారు.
