భార్య గర్భవతి అని జాలి లేకుండా సజీవదహనం చేసిన నిందితునికి మహిళా సెషన్స్ కోర్టు ఉరిశిక్ష విధించింది. శైలజ, నంబియార్కు 2018 లో వీరికి వివాహమైంది. ఏపీ విజయవాడ కృష్ణలంక పరిధిలో దంపతులు నివసించేవారు. నంబియార్ ఓ ప్రైవేట్ కాలేజీలో టీచర్గా పని చేస్తున్నానని పెళ్లికి ముందు శైలజకు చెప్పాడు.
పెళ్లి అనంతరం ఉద్యోగాన్ని మానేశాడు. శైలజ తండ్రి తహసీల్దార్ కార్యాలయంలో అటెండర్గా ఉద్యోగం చేస్తున్నాడు. తండ్రి నుంచి నగదు తీసుకురావాలని భార్యపై ఒత్తిడి తెచ్చేవాడు నంబియార్. పెళ్లైన కొద్ది రోజులకే అదనపు కట్నం కోసం భార్యను వేధించేవాడు.
డబ్బులు ఇవ్వకపోవటంతో 2019లో.. ఓ రోజు పథకం ప్రకారం నిద్రిస్తున్న భార్యపై పెట్రోల్ పోసి నిప్పంటించాడు. ఈ ఘటనలో శైలజ మృతి చెందింది. మృతురాలి తల్లిదండ్రుల ఫిర్యాదు మేరకు కేసు నమోదు చేసిన పోలీసులు నిందితుడ్ని అరెస్ట్ చేసి జైలుకు పంపారు. విజయవాడ మహిళా సెషన్స్ కోర్టులో విచారణ జరిగింది. నిందితుడు నంబియార్కు నేడు ఉరిశిక్ష వేస్తూ తీర్పు వచ్చింది.
ఇదీ చదవండి: రూ.2వేల కోట్లతో విద్యాపథకం: మంత్రివర్గ ఉపసంఘం
