సికింద్రాబాద్ జవహర్ నగర్ పీఎస్ పరిధిలో లాక్డౌన్లోనూ గొలుసు దొంగలు రెచ్చిపోతున్నారు. వరుస దొంగతనాలతో జనాలను భయపెడుతున్నారు. జవహర్ నగర్ పోలీస్ స్టేషన్ పరిధిలో గంటల వ్యవధిలోనే వరుస చైన్ స్నాచింగ్లు రాచకొండ కమిషనరేట్ పోలీసులకు సవాల్గా మారాయి. ఆదివారం వెంకటేశ్వర కాలనీలో రేషన్ షాప్కు వెళ్లి వస్తున్న మహిళ మెడలో నుంచి పుస్తెలతాడు లాక్కెళ్లిన ఘటన మరువకముందే ఈ రోజు చంద్రపురి కాలనీలో మరో ఘటన జరిగింది.
ఈ రోజు ఉదయం కిరాణా దుకాణంలో ఉన్న అంజమ్మ అనే మహిళ దృష్టిని మరల్చి.. ఆమె మెడలోని మూడున్నర తులాల మంగళసూత్రాన్ని అపహరించిన దుండగులు.. ద్విచక్రవాహనంపై పారిపోయినట్లు స్థానికులు తెలిపారు. వెంటనే ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు ప్రారంభించారు. ఏసీపీ శివ కుమార్ బాధితులను వివరాలు అడిగి తెలుసుకున్నారు.
ఇదీ చూడండి: గంటగంటకు.. డబ్బులే డబ్బులు!
