Bike Riders attack on RTC Bus: ఏపీలోని విశాఖ నగరంలో అర్ధరాత్రి కొంతమంది యువకులు బైక్ ర్యాలీతో బీభత్సం సృష్టించారు. అడ్డువచ్చిన ఆర్టీసీ బస్సును ధ్వంసం చేసి, డ్రైవర్పై దాడిచేసి గాయపరిచారు. రాత్రి సుమారు 12 గంటల నుంచి వేకువజామున 3 గంటల వరకు.. కొంతమంది యువకులు ద్విచక్ర వాహనాలపై ట్రిపుల్ రైడింగ్ చేస్తూ.. వీరంగం సృష్టించారు. ఆర్టీసీ కాంప్లెక్స్, స్వర్ణభారతి స్టేడియం కూడలి, బీచ్ రోడ్డులో బైక్ రైడ్ చేస్తూ.. హల్చల్ చేశారు. ఆర్టీసీ కాంప్లెక్స్ జంక్షన్లో అటుగా వెళ్తున్న ఆర్టీసీ బస్సుకు అడ్డుగా వెళ్లారు. సైడ్ ఇవ్వాలని బస్సు డ్రైవర్ కోరడంతో.. రెచ్చిపోయిన యువకులు బస్సు ధ్వంసానికి పాల్పడ్డారు.
వారించేందుకు వెళ్లిన డ్రైవర్పై దాడి చేసి గాయపరిచారు. శనివారం అర్ధరాత్రి జరగిన ఈ ఘటనపై పోలీసులకు ఫిర్యాదు చేయడంతో బైక్ రైడ్స్ నిర్వహించిన 35 మందిని గుర్తించారు. డ్రైవర్పై దాడికి పాల్పడిన యువకుడితో.. పాటు ఎనిమిది మందిని అరెస్టు చేశారు. బైక్ రైడర్స్ వినియోగించిన వాహనాలను సైతం సీజ్ చేయనున్నామని పోలీసులు తెలిపారు.
ఇవీ చూడండి:
దంచికొడుతున్న వానలు.. జలమయమైన లోతట్టు ప్రాంతాలు
మీ ఫోన్లో ఈ యాప్స్ ఉంటే వర్షం రాక.. పిడుగు గుర్తింపు.. సులువే
ఓపీఎస్, ఈపీఎస్ వర్గాల ఘర్షణ.. విరిగిన కుర్చీలు.. పగిలిన అద్దాలు..
