వరంగల్ గ్రామీణ జిల్లా వర్ధన్నపేట మండలం ఇల్లందలో బ్లాక్ ఫంగస్ లక్షణాలతో మహిళ మృతి చెందింది. గ్రామానికి చెందిన బొమ్మేర కేతమ్మ (55) గత నెల ఏడో తేదీన కొవిడ్ బారిన పడింది. చికిత్స కోసం వరంగల్లోని ఓ ప్రైవేటు ఆస్పత్రిలో చేర్పించారు. పరిస్థితి విషమించడం వల్ల అక్కడి నుంచి వరంగల్ ఎంజీఎంకు తరలించారు.
అక్కడ చికిత్స పొందుతూ సోమవారం మృతి చెందింది. కేతమ్మ బ్లాక్ ఫంగస్ లక్షణాలతో మృతి చెందినట్లు వైద్యులు తెలిపారు. మృతదేహానికి ఇల్లందలో పారిశుద్ధ్య సిబ్బంది అంత్యక్రియలు నిర్వహించారు. మృతురాలికి ఇద్దరు కుమార్తెలు, కుమారుడు ఉన్నారు.
ఇదీ చూడండి: అధిక ఫీజులపై ప్రైవేట్ ఆస్పత్రులకు నోటీసులు
