Software employee died in Laptop explosion: ఆంధ్రప్రదేశ్లో ఈ నెల 18న ల్యాప్టాప్ పేలి తీవ్రంగా గాయపడిన సాఫ్ట్వేర్ ఉద్యోగిని సుమతి మృతి చెందింది. వైఎస్సార్ జిల్లా బి. కోడూరు మండలం మేకవారిపల్లె గ్రామానికి చెందిన సిద్దు సుమలత (22).. తిరుపతిలో చికిత్స పొందుతూ శుక్రవారం మృతి చెందింది.
సంబంధిత వార్త: పనిచేస్తుండగా పేలిన ల్యాప్టాప్.. సాఫ్ట్వేర్ ఉద్యోగిని పరిస్థితి విషమం
మండల పరిషత్తు మాజీ ఉపాధ్యక్షుడు, తెదేపా నాయకుడు సిద్దు వెంకటసుబ్బారెడ్డి, లక్ష్మీనరసమ్మ దంపతుల రెండో కుమార్తె సుమతి.. బెంగళూరులోని ఒక సంస్థలో సాఫ్ట్వేర్ ఇంజినీర్‌గా పనిచేస్తోంది. ఈ నెల 18న తన ఇంట్లో మంచంపై కూర్చొని విధులు నిర్వహిస్తుండగా.. ఛార్జింగ్ పెట్టిన ల్యాప్టాప్ ఒక్కసారిగా పేలింది. పరుపు, మంచానికి మంటలు అంటుకోవడంతో తీవ్రంగా గాయపడింది. కుటుంబసభ్యులు చికిత్స నిమిత్తం తిరుపతిలోని ఓ ప్రైవేటు ఆస్పత్రికి తరలించగా అక్కడ ఆమె చికిత్స పొందుతూ మృతి చెందింది. కాగా సుమతి ఉద్యోగంలో చేరి మూడునెలలే అయింది.
ఇవీ చదవండి: 'నిన్ననే కొన్నారు.. ఇవాళ పేలింది.. ఒకరు చనిపోయారు'
No Ball Controversy: 'అది కరెక్ట్‌ కాదు కానీ.. మాకూ అన్యాయం జరిగింది'
