అత్తారింటికి వెళ్తూ ద్విచక్రవాహనం అదుపుతప్పి డివైడర్కు ఢీకొని ఓ వ్యక్తి ప్రాణాలు కోల్పోయాడు. ఈ ఘటన సూర్యాపేట జిల్లా తుంగతుర్తి మండలం కేశవాపురంలో చోటుచేసుకుంది. కేశవాపురం గ్రామానికి చెందిన మిర్యాల ఉమేష్.. నూతనకల్లోని అత్తారింటికి బైక్పై వెళ్తుండగా వాహనం ఒక్కసారిగా అదుపుతప్పింది. సమీపాన ఉన్న రోడ్డు సూచిక రాయిని బలంగా ఢీ కొట్టింది. ఈ క్రమంలో అతను పక్కనే ఉన్న బండ రాళ్లపై పడటంతో తీవ్ర గాయాలయ్యాయి. ఘటనా స్థలంలోనే ఉమేష్ ప్రాణాలు కోల్పోయాడు.
మృతుడికి రెండేళ్ల క్రితం నూతనకల్కు చెందిన నవ్యతో వివాహం జరిగింది. బతుకుదెరువు కోసం ఇటీవలే హైదరాబాద్ వెళ్లిన అతను సోమవారం కేశవాపురానికి వచ్చాడు. గురువారం నూతనకల్ వెళ్తుండగా ఈ దుర్ఘటన జరిగింది. ఉమేష్ మృతితో ఇరు కుటుంబాల్లో విషాదఛాయలు అలుముకున్నాయి.
ఇదీ చదవండి: మహబూబాబాద్ జిల్లాలో రోడ్డు ప్రమాదం.. ఆరుగురు మృతి
