మహబూబ్నగర్ జిల్లాలో భాజపా తరఫున గెలిచిన ప్రజాప్రతినిధులపై అధికార పార్టీ నేతల ఒత్తిడితో తప్పుడు కేసులు నమోదు చేస్తున్నారని ఎమ్మెల్సీ రామచందర్రావు మండిపడ్డారు. అప్రజాస్వామ్య పద్ధతిలో పార్టీలు మార్చే ప్రయత్నం చేస్తున్నారని ఆరోపించారు. మహబూబ్నగర్లో నిర్వహించిన పట్టభద్రుల ఎమ్మెల్సీ ఓటరు నమోదు కార్యక్రమానికి ముఖ్యఅతిథిగా హాజరయ్యారు.
పట్టణంలోని భగీరథ కాలనీలో ఇంటింటికీ తిరిగి... ఓటరు నమోదు కోసం దరఖాస్తులను అందించి, అవగాహన కల్పించారు. నవంబరు 6 వరకు గడువు ఉందని... అర్హులు సద్వినియోగం చేసుకోవాలని సూచించారు. వర్షాలతో జిల్లాలో పెద్ద ఎత్తున పంటలు నష్టపోయాయని... ప్రభుత్వం వెంటనే వివరాలు సేకరించేలా కలెక్టర్లను ఆదేశించి, రైతులకు పరిహారం అందించాలని డిమాండ్ చేశారు.
ఇదీ చూడండి: ముంపు బాధితులకు ప్రభుత్వం అండగా ఉంటుంది: తలసాని
