మోసం చేసిన భర్త.. కాలర్ పట్టుకొని పోలీస్ స్టేషన్​కు లాక్కెళ్లిన భార్య

ఉపాధి కోసం వేరే ఊరు వెళ్లిన భర్త మరో మహిళను వెంటపెట్టుకొచ్చాడు. ఈ విషయంపై భార్య పెద్దల సమక్షంలో పంచాయితీ పెట్టించింది. సమస్య కొలిక్కి రాకపోవటంతో.. ఆ భర్త అక్కడనుంచి ఉడాయించే ప్రయత్నం చేశాడు. ఇది గమనించిన ఆ భార్య... అతడి కాలర్ పట్టుకొని లాక్కొని వెళ్లి పోలీస్ స్టేషన్​లో ఫిర్యాదు చేసింది.

శ్రీకాకుళం జిల్లా కోటబొమ్మాళి మండలం మంచాలపేటకు చెందిన షణ్ముకరావును.. ఆయన భార్య పార్వతి నడిరోడ్డు మీద కాలర్ పట్టుకొని పోలీస్ స్టేషన్​కి లాక్కెళ్లడం చర్చనీయాంశమైంది. వీరికి ఇద్దరు పిల్లలుండగా.. కుటుంబ కలహాల కారణంగా కొన్నాళ్లుగా విడిగా ఉంటున్నారు. ఉపాధి కోసం హైదరాబాద్​ వెళ్లిన షణ్ముకరావు.. మరో మహిళను వెంట తీసుకువచ్చాడు.

ఆ మహిళ... గర్భవతి కావటం వల్ల ఈ విషయాన్ని గ్రామ పెద్దల దృష్టికి పార్వతి తీసుకెళ్లింది. సమస్య అక్కడ పరిష్కారం కాకపోవటం వల్ల షణ్ముకరావు అక్కడనుంచి వెళ్లిపోయే ప్రయత్నం చేశాడు. ఇది గమనించిన పార్వతి.. గ్రామస్థుల సహకారంతో భర్త కాలర్ పట్టుకొని.. నడిరోడ్డుపై నడిపించుకుంటూ పోలీసు స్టేషన్​కి తీసుకెళ్లి పోలీసులకు అప్పగించింది.

ఇదీ చదవండి: వైద్యులు లేని ఆస్పత్రులు.. రోగులకు తప్పని ఇబ్బందులు!