UGC NET 2021: ఉమ్మడి సీఎస్ఐఆర్, యూజీసీ నెట్ 2021 కోసం దరఖాస్తు చేసుకున్న అభ్యర్థులకు జాతీయ పరీక్షల సంస్థ (ఎన్టీఏ) ఓ కీలక సూచన చేసింది. అభ్యర్థులు తాము సమర్పించిన దరఖాస్తుల్లో తప్పులు సరిదిద్దుకునే అవకాశాన్ని కల్పించింది. ఇందుకోసం దిద్దుబాటు విండోను తెరిచింది. ఈ విండో ద్వారా అభ్యర్థులు తమ ఆన్‌లైన్ దరఖాస్తు ఫారంలో సవరణలు చేసుకోవచ్చు.
దరఖాస్తులో అభ్యర్థులు పూరించిన వివరాలను మరోమారు సరిచూసుకోవచ్చు. ఇందుకోసం జనవరి 9 మధ్యాహ్నం 12 గంటల నుంచి రాత్రి 11.50 గంటల వరకు సమయం ఇచ్చింది. ఈ సమయంలో అభ్యర్థులు తాము చేసిన తప్పులను సరిదిద్దుకునే అవకాశం ఉంది.
